Inengi lezizalwane zeZimbabwe elisebenza kweleSouth Africa ebeliye ekhaya ngekhefu lekhisimusi lithi lilokhu lizama ukuchapha umngcele we Beitbridge, lapho okubikwa kusedlula inani elifika inkulungane ezingamatshumi amathathu lanhlanu zabantu, 35 thousand ngelanga, kunsukwana ezedluleyo, njalo kulendwendwe zezimota lamabhasi ezinde kakhulu.
Uhulumende ubikwa esithi umumo ungabangcono kusukela ngoMvulo.
Lokhu kwenzakala abasebenza kwamanye amazwe abakade bevakatshele eZimbabwe ngalelikhefu besithi badanile ngesimo somnotho welizwe olokhu uqhubeka ubhidlika.
Ukuze sizwe okuneng ngaloludaba, sixoxa loMnu. Ngqabutho Mabhena, umgcinisihlalo wenhlanganiso ye Zimbabwe Community in South Africa laye obevakatshele ekhaya.
Your browser doesn’t support HTML5
Ingxoxo loMnu. Ngqabutho Mabhena
Kusenjalo, abebutho abalinde umgcele weMlambapeli babikwa bebopha labo abachapha besiya kumbe bevela kweleBotswana ngokungekho emthethweni nxa bengababhadalanga imali. Asenelisanga ukukhuluma leziphathamandla zebutho ngaloludaba. Asizweni udaba esilethulelwa nguAlbert Ncube.
Your browser doesn’t support HTML5
UAlbert Ncube Usethulela Loludaba