Isigaba sebandl le Zanu PF e Mashonaland West siyenze umhlangano wesiphangiphangi kwaxotshwa, umgcinisihlalo, uMnu. Themba Mliswa edolobheni leChinhoyi namhla. Omunye njalo oxotshiweyo ngunobhala wesigaba, uMnu. Kindess Paradza.
Osaphethe lesi sikhundla, uMnu. Ziyambi Ziyambi uthe kulamalunga angamatshumi amabili lathoba inwe mibili balobe incwadi ye petition ethi uMliswa kaxotshwe.
Kodwa uMliswa ulandule imbiko le wathi lumhlangano owenzwe namhla kawulamandla okumususa esihlalweni. Kunjalo nje, uNkosikazi Grace Mugabe uqhubeke ngemihlangano yakhe yelizwe jikelele athi ubonga ukukhethwa ukuthi akhokhele uhlangothi lwabesifazane.
Namuhla uNkosikazi Mugabe ubeseMasvingo lapho atshele inkulungwane zabantu ukuthi umkakhe nguyise wabantu beZimbabwe njalo yena ngumama womuntu wonke. Wazise njalo ukuthi amalunga abangela ukuxabana ebandleni azaxotshwa.
UChris Gande weStudio Seven uxoxe lengcwethi ecubungula ezombusazwe, uMnu. George Mkhwananzi ukuze sizwe imbono yakhe ngaloludaba.