Balutshwane abaculi abadabuka emaJahundeni abadumileyo kwezomculo, kodwa umfana kaMoyo kusobala ukuba uyasitshaya isicathulo kuzwakale ngomdumo wakhe wakulezinsuku oweDance Hall.
"Ibizo lami engilisebenzisa estejini ngu Bry spelling B-r-y. Ngilama album angu 6 esengawahlabelayo. Elokuqala kuthiwa ngu'Phule umoya wami'. Elesibili kuthiwa ngu 'The way'. Elesithathu kuthiwa ngu 'Hamba lami'. Elesine kuthwa ngu 'Sofa silahlane', elinye kuthwa 'Wakwenza njani', elinye kuthiwa 'Izinto ziyenzeka'. Ngisakhangelele njalo fithi ukuthi ngikhiphe elinye,but leli seliyenziwa kuthiwa ngu 'Tears of the sun."
Ucula ekhonale emaJawumdeni uBry lapho okulenkaba yakhe khona njalo uqale esemncane ukuthanda ezokucula.
"Mina ngazalelwa eMabuze Hospital. Ngafunda iPrimary yami eJawunda primary school eGwanda. Isecondary ngayifundela eGwanda Government. Then ezomculo ngaqalisa ngo 2009 siseskolo senza okwama choir choir nje khonokho singani siyadlaladlala but ngingakaqalisi irecording. Then irecording yami ngaqalisa ngo 2013 komunyundoda owayekhonapha futhi eGwanda ukwakuthwa nguNasty B."
UBry uthi kulabahlabeleli abanengi abamenza wabo lomfutho wakuthi laye acule.
"I got my inspiration from u Lucky Dube lo Michael Jackson. Eyami iDancehall iyehlukene leyabantu abanengi lapho engikhona ngithi ikakhulu eZimbabwe eyami iDancehall yileyana nxa lilalela ikakhulu oChristopher Martin, iDancehall engathi ihambe ku reggae mbijana so ngathi yimusic elemessage."
Ijaha lako Moyo lilama album ayisithupha njalo liyaphambili lipheka umculo weDance Hall, likhona ukumthola enkundleni zokuzilobazisa lokuxumana ezifana leFacebook.elokucina ongalitshiyela abalaleli Moyo?
"Ngile Facebook page elibhalwe Bry Music and then ku Instangram Bry-u-no then ku Instangram njalo futhi sikhona. Umculo lingawuthola kunamba zami 0713774219 kubalandeli labalaleli bengithanda ukuxwayisa nje, ikakhulu abantwana, stay in school, stay away from drugs. Njalo ngicele nje ukuthi umphakathi ngokwawo ubekhona lathi kuloluhambo, Siyabonga."
Ngu Bright Moyo uBry phela ngendlikizane zengoma, ecula umdumo weDance Hall njalo eziphekela ngobunono obukhulu, nguye obesilibazisa namhlanje kuhlelo Woza Friday. Libe lempelasonto elitshukela.
Your browser doesn’t support HTML5
KuWoza Friday silomculi wasemaJahundeni uBry exoxa loEzra Tshisa Sibanda