EleZimbabwe livule umkambo wokuthengisa isivuno salonyaka segwayi ngoLwesithathu.
Abalimi akade besemkambo wokuthengisa igwayi batshele iStudio Seven ukuthi badanile ngentengo ekhona ngoba abanye bathengise igwayi ngemali ephansi kwedola elilodwa isilinganiso se kilogram elilodwa lanxa bekhona abathola imali engamadola amane nge kilogram linye.
Tobacco selling season starts in Zimbabwe
Isilinganiso segwayi elizathengiswa emkhambo walonyaka likhangelelwe ukuba lizabe lehlile ngokulitshumi ekhulwini- 10%, okuzakwehlisa inzuzo.
Lokhu kwaziswe ngabenhlanganiso eyeTobbaco Industry and Marketing Board (TIMB) yona eqondisa umsebenzi wokulinywa lokuthengiswa kwe gwayi eZimbabwe.
Umgcinisihlalo wenhlanganiso le uMnu Patrick Devish uthi kulegwayi elilutshwane lonyaka.
Omunye wabathengisa igwayi
“Kube lokwehla kakhulu kwe nani legwayi esiyilimayo lonyaka. Lokhu kubangelwe ngokunengi okugoqela indlala’’
Abalimi abanengi bathi ukuswelakala kwezulu kubatshayelele phansi. Bathi bathemba ukuba igwayi labo lizathengiswa ngentengo ethe xaxa kodwa basole ukuba enye imali yabo bayiphiwa ilidola le Zimbabwe.
Omunye walaba abalimi ngu Mnu. Believe Tevera yena othi usebenze nzima lonyaka njalo kubuhlungu ukuba uzathola enye imali ngedola le Zimbawe.
“Kuyadanisa ukuba imali yethu siyiphiwa ngemali ihlanganiswe le dola le Zimbabwe. Idola le Zimbabwe alisathengi lutho ngabe bayayenza ukuba sidonde ukulima kumnyaka ozayo."
Uthengisa igwayi
Omunye umlimi wase Mazowe, uMnu Hebert Mashaya yena uthi uhulumende kumele abone ukuba abalimi bayaphangisa ukutholiswa imali yabo.
“Ngabe bayenza ukuba siphenge sithole imali zethu ngoba ukulima kakulula. Kumele bekukhangelisise konke lokhu’’
Umsekeli ka Mongameli welizwe uMnu Constantino Chiwenga, ovule lumkambo ngokusemthethweni, uthe uhulumende uyazazi izikhalazo zabalimi.
Linengi elinye igwayi elithengiswa eHarare
“Uhulumende uzazama ukuba abalimi baphiwe imali yabo. Siyazazi izikhalazo zabo ngoba igwayi ngelinye lezilimo ezisiza ilizwe lethu ngemali yaphandle’’
Amasimu alinywe igwayi lonyaka ehlile aya kuma hectares azinkulungwane eziphezu kwezilikhulu-113,000 esuka ku117,000 hectares ngomnyaka odluleyo.
Isilinganiso lesi sibikwa sehliswe yikunganga kuhle kwezulu.
Lonyaka umkambo uvulwe igwayi elilohlonzi lithengiswa ngamadola eMelika aphose afike amahlanu-US$4,92 kukilogram ngayinye kodwa elingani aliphilanga kuhle belithengwa ngedola elilodwa, US$1,20.
Isivuno salonyaka sibikwa sehlile sisuka kumathani edlula inkulungwane ezingamakhulu amathathu(326,000 tons) nyakenye sisiya kumathani aphose afike inkulungwane ezingamakhulu amathathu(259,000 tons).
Ele Zimbabwe yilo ilizwe elikhokhelayo ekulimeni lokuthengisa igwayi ezwekazi lonke leAfrica. Igwayi ngesinye sezilimo ezitholisa ele Zimbbawe imali yakwamanye amazwe enengi ngoba ithengwa kakhulu eAfrica laphetsheya kolwandle.
Ngomnyaka odluleyo ka 2023 igwayi lilethele ilizwe inzuzo ephezu kwebhiliyoni elilodwa-1.2US$Billion, ngemva kokuthengiswa kwalo ikakhulu ngele China.