Selithoniswa eNew York icala eletheswa owayengumongameli weMelika, uMnu. Donald Trump, okuthiwa wahlawula othengisa ucansi, uNkosazana Stormy Daniels, inkulungwane ezilikhulu lamatshumi amathathu – US$130,000 ukuze engakhulumi ngokuthandana kwakhe laye ngesikhathi kulungiselelwa ukhetho ngomnyaka ka2016.
Abatshutshisi bathi wephula imithetho yokhetho kulandela ukuhlawula kwakhe uNkosazana Daniels. Kodwa amagqwetha kaTrump athi kalacala.
Abezindaba abeReuters babika ukuba uMnu. David Pecker, umqondisi wephephandaba elalahlela khatshana udaba luka Nkosazana Daniels lisenzela ukunceda uTrump ukuba angene kukhetho, okwamanje unika ubufakazi emthethwandaba.
UMnu. Raphael Mthombeni, odabuka eZimbabwe ohlala eDallas khonapha kwele Melika, uthi ukuthoniswa kuka Trump kuveza ukuba imithetho ngeyomuntu wonke kwele Melika.
SEE ALSO:
Ingxoxo Esiyenze loMnu. Raphael Mthombeni