WASHINGTON DC —
Kuthakazelelwa uhlelo oluthuthukisa abatsha abadabuka kuzwekazi le-Africa olwe-Mandela Washington Fellowship for Young African Leaders Initiative, osolwenelise iminyaka elitshumi lwasungulwa ngowayengumongameli wakwele Melika, uMnu. Barack Obama.
Abakuhlelo lolu okwamanje base-Washington DC okwensukwana lapho abagqiba khona izifundo zabo kulandela ukuyafundela okwehlukeleyo emakolitshi emfundo yaphezulu ezabelweni ze-Melika ezitshiyeneyo.
UMnu Nkosikhona Blessmore Sibanda utshele iStudio7 ukuthi ufunde okunengi kuloluhlelo njalo uzasebenzisa ulwazi lolu ukuthuthukisa umsebenzi awenzayo kweleZimbabwe.