HARARE —
Abenhlanganiso yeGlobal Alliance for Vaccine Initiative, sebevumele eleZimbabwe ukuba lisungule inhlelo zokutholisa imithi ezaphathisa ukuvimba ukuhlaselwa yimvukuzane yesibeletho kumantombazana aleminyaka ephakathi kweyisitshiyagalolunye kusiya kwelitshumi lantathu.
Ngasikhathi sinye uhulumende uphawule enye ikilinika njalo esebenzisa indlela zakulezinsuku " iVisual Inspection with Ascetic Acid and Cervicography- VIAC " emahofisini eCancer Association in Zimbabwe eHarare ezaphathisa omama ukuba bahlolwe imvukuzane yesibeletho ngentengo ephansi.
Lokhu kuvezwe ngu Dr Portia Manangazira umqondisi wohlangothi lwezokwenqabela ukuqhamuka kwemikhuhlane obengumhlonitshwa emkhosini wokuphawula i kilinika yokuhlola umama imvukuzane yesibeletho.
Ekhuluma emkhosini emahofisini eCancer Associtaion of Zimbabwe eHarare, emele unobhala jikelele wogatsha lwezempilakahle lenhlalakahle yabantwana, uDr Manangazira utshele uzulu obekulomkhosi ukuba lumuthi uzaphiwa amantombazana akulentanga ukuze bavikeleke kulemvukuzane yomlomo sebebadala ngoba inengi labo bengaqali ukuya emacansini.
Uthi loluhlelo olusungulwa ngomnyaka ka 2014 eziqintini ezimbili, eBeitbridge leMarondera, luzaphathisa njalo ukuba banelise ukuyizwisisa eminye imikhuba yesintu eyimigoqo ekuthini omama bayedinga usizo isikhathi sisekhona.
Okhokhela uhlangothi lwezemfundo enhlanganisweni yeCancer Association uMnumzana Tafadzwa Chigariro uthi ukulondolozwa kwamantombazana la kuzaphathisa kakhulu ekuthini lwenqatshelwe udubo lwemvukuzane yesibeletho.
Ingcwethi kwezemikhuhlane yemvukuzane uDr Anna Nyakabao utshele umbuthano munye ukuba lokhe lulukhulu udubo lwemvukuzane yesibeleltho lanxa lusenqabeleka.
UNyakabao uthi lumhlobo wemvukuzane yiwo osuthatha imiphefumulo yabesifazane abanengi ukwedlula eminye imihlobo.
Uhulumende uthi usezama ngazo zonke indlela ukuthi amakilinika la atholakale kuzo zonke izibhedlela ezibalisa laweziqinti.
Abe Cancer Association baveza ukuba asefika phose itshumi amakilinika awe Visual Inspection with Acid and Cervicography asevuliwe endaweni ezehlukeneyo zelizwe.
La ngasebenza ephansi kwenhlanganiso ezizimeleyo, kuthi amanye ephansi kukahulumende. Esungulwe ngoLwesine isebenza ngokuqondiswa kwabenhlanganiso ye Cancer Association in Zimbabwe.
Ngasikhathi sinye uhulumende uphawule enye ikilinika njalo esebenzisa indlela zakulezinsuku " iVisual Inspection with Ascetic Acid and Cervicography- VIAC " emahofisini eCancer Association in Zimbabwe eHarare ezaphathisa omama ukuba bahlolwe imvukuzane yesibeletho ngentengo ephansi.
Lokhu kuvezwe ngu Dr Portia Manangazira umqondisi wohlangothi lwezokwenqabela ukuqhamuka kwemikhuhlane obengumhlonitshwa emkhosini wokuphawula i kilinika yokuhlola umama imvukuzane yesibeletho.
Ekhuluma emkhosini emahofisini eCancer Associtaion of Zimbabwe eHarare, emele unobhala jikelele wogatsha lwezempilakahle lenhlalakahle yabantwana, uDr Manangazira utshele uzulu obekulomkhosi ukuba lumuthi uzaphiwa amantombazana akulentanga ukuze bavikeleke kulemvukuzane yomlomo sebebadala ngoba inengi labo bengaqali ukuya emacansini.
Uthi loluhlelo olusungulwa ngomnyaka ka 2014 eziqintini ezimbili, eBeitbridge leMarondera, luzaphathisa njalo ukuba banelise ukuyizwisisa eminye imikhuba yesintu eyimigoqo ekuthini omama bayedinga usizo isikhathi sisekhona.
Okhokhela uhlangothi lwezemfundo enhlanganisweni yeCancer Association uMnumzana Tafadzwa Chigariro uthi ukulondolozwa kwamantombazana la kuzaphathisa kakhulu ekuthini lwenqatshelwe udubo lwemvukuzane yesibeletho.
Ingcwethi kwezemikhuhlane yemvukuzane uDr Anna Nyakabao utshele umbuthano munye ukuba lokhe lulukhulu udubo lwemvukuzane yesibeleltho lanxa lusenqabeleka.
UNyakabao uthi lumhlobo wemvukuzane yiwo osuthatha imiphefumulo yabesifazane abanengi ukwedlula eminye imihlobo.
Uhulumende uthi usezama ngazo zonke indlela ukuthi amakilinika la atholakale kuzo zonke izibhedlela ezibalisa laweziqinti.
Abe Cancer Association baveza ukuba asefika phose itshumi amakilinika awe Visual Inspection with Acid and Cervicography asevuliwe endaweni ezehlukeneyo zelizwe.
La ngasebenza ephansi kwenhlanganiso ezizimeleyo, kuthi amanye ephansi kukahulumende. Esungulwe ngoLwesine isebenza ngokuqondiswa kwabenhlanganiso ye Cancer Association in Zimbabwe.
Your browser doesn’t support HTML5
Udaba lukaMavis Gama lwemvukuzane yesibeletho