Uhlelo lokuthengisa idollar leZimbabwe elingasasetshenziswa kusukela ngomnyaka ka2009 luqalise lamuhla kulembiko ethi banengi abantu abahambe emabhanga atshiyeneyo besiyathengisa imali le.
UMnu. John Mangudya, usibalukhulu webhanga leReserve Bank of Zimbabwe, utshele iStudio 7 ukuthi kade belamadlabuzane abanye abantu akade bethengisa imali le.
UMangudya uthe uzulu kumele athengise imali le kuwo wonke amabhanga kusiyafika ekupheleni kukaNcwabakazi lonyaka.
Uthe ukuthengisa imali le kuzakwenza ukuthi uzulu akhohlwe ngayo njalo engacabangeli ukuthi imali le ingaphinda isitshenziswe eZimbabwe.
Uphinde wathi ukhangelele ukuthi abantu abanengi bazathengisa imali le bekhululekile lobanje ithengwa ngemali ephezulu yizethekeli lasenkundleni zebulenjini beInternet ezigfana labo Ebay.
Abathengisa imali le eZimbabwe balakho ukuthola amasenti angamatshumi amane – 40 cents kusiyafika amadollar amabili eMelika - $2.
Ingcwethi kwezemali uMnu. Samson Nhliziyo utshele iStudio 7 uthi inengi lalabo ababonakale emabhanga ngabantu asebekhulile.