Lanxa uMongameli Emmerson Mnangagwa eseke wakulandula ukuthi ulenjongo yokuguqula isisekelo sombuso welizwe, i-constitution, ukuze eqhelise umbuso wakhe, ukwenza kwakhe ngoLwesine kuveze sobala ukuthi engaba elayo leyonhloso.
Lokhu kwenzakelele kumbuthano owenzelwe eChikomba nguMnangagwa lapho atshaye khona islogan esithi uzabe elokhe esembusweni ngomnyaka ka2030 loba nje leli kulihlandla lakhe lesibili futhi elokucina elivunyelwa yisisekelo sombuso welizwe.
Umsekeli wakhe uMnu Constantino Chiwenga laye ubekhona kulumkhosi kodwa kazange atshaye lesi slogan.
Ocubungula ezombusazwe njalo eyingcwethi kwezokwethulwa kwemibiko uDr Mthulisi Mathuthu utshele iStudio 7 ukuthi izenzo zikaMnangagwa zikuveza sobala ukuthi uhlose ukuqhelisa umbuso wakhe.
Your browser doesn’t support HTML5
Udaba Lokuqhelisa Umbuso kaMnangagwa Ngokugcweleyo