Ugatsha olukhokhela uhlelo lokuxolelana olwe Organ on National Healing luzaqhuba umhlangano lamabandla akuhulumende womanyano ngoLwesithathu kukhulunyiswana ngokuxolelana elizweni.
Olunye udaba olukhangelelwe ukuphathwa ngolokufuthelana osokuqhamuke njalo kwezinye izigaba zelizwe phakathi kwabasekeli beZanu PF leMDC phezu kokulotshwa kwesisekelo sombuso esitsha.
I MDC yethesa iZanu PF icala lokubangela udlakela kanye lokubulala abasekeli bayo ngesikhathi sokhetho luka 2008. Kodwa iziphathamandla zezanu pf ziyakulandula lokhu.
Omunye wabaphathintambo ababona ngokuxolelana uNkosikazi Sekai Holland uchasise okunengi ngomhlangano lo, kungxoxo ayenze loNtungamili Nkomo weStudio 7.