Kuqhutshwa umhlangano wokuhlaziya isimo somkhathi oweConference of Parties kumbe iCOP29 eBaku kweleAzerbaijan. UMongameli Emmerson Mnangagwa usemhlanganweni lo, okukhangelelwe ukuba uzaphuma lezinqumo ezokunqabela ukukhudumala komkhathi – iclimate change.
Umhlangano lo oqhutshwa phansi kwesihloko esithi ‘In Solidarity for a Green World’, uzahlolisisa osokwenziwe ngokunqabela ukukhudumala komkhathi, imali efunakalayo lokunye. Amazwe amanengi kuzwekazi leAfrica akhala ngemali ephansi eyokuqhuba inhlelo ezilakho ukunqabela ukukhudumala komkhathi.
Ingcwethi zithi ukukhudumala komkhathi kukhanya kuyikho okudala ukungani kuhle kwezulu eZimbabwe lamanye amazwe.
Umlimi olodumo uMnu. Luthe Mabandla olepulazi eKwekwe eNkabazwe utshele iStudio 7 ukuthi kusobala ukuba ukukhudumala komkhathi kudala umonakalo omangalisayo kwezokulima.
SEE ALSO:
Ingxoxo Esiyenze loMnu. Luthe Mabandla