Amalunga ebandla leZapu labalwa impi yenkululeko bekuviyo leZipra kanye lemuli yakoDabengwa bahlangene ngoMgqibelo emcimbini wesikhumbuzo sikamuyi uMnu Dumiso Dabengwa.
Isikhumbuzo lesi siqhutshelwe emzini kaDabengwa eNtabazinduna.
AbeZapu bathi kwakumele basenze ngoNcwabakazi kodwa bavinjwa ngumkhuhlane weCOVID-19.
UDabengwa ubhubhele eNairobi kweleKenya ngoNhlangula nyakenye evele kweleIndia lapho ayeselatshwa khona.
Umfowabo uMnu Sijabuliso Dabengwa uthe baqhube isikhumbuzo lezi uNkosikazi kaDabengwa engekho ngoba wavalelwa ngumkhuhlane lo eBhilitani.
“Umama wasuka ngoNovember kumele abuye ekuqaliseni kukaDecember wahle wavalelwa khonale lakhathesi lokhe ekhonale,” kutsho uDabengwa.
Umgcinisihlalo webandla leZapu eMatabeleland South uMnu Matthew Sibanda uveze ukuthi umhlangano wabo wokukhetha umkhokheli webandla owawumele wenziwe ngenyanga edluleyo usuzakwenziwa ngomnyaka ozayo.
“Besesizaba lengqubekela phambili besifisa ukuthi sibe lomkhokheli onjengoDabengwa olozwelo ebantwini,” kutsho uMnu Sibanda.
Bekungela bameli bakahulumende emcimbini lo ngaphandle kwamapholisa alethe incwadi ebivumela umbuthano lo.
Your browser doesn’t support HTML5
Udaba Siluphiwa nguBathabile Masuku