Kuqhubekela phambili ukusilela kwamafutha ezimota koBulawayo ngesikhathi abathenga bethengisa imali ababizwa ngokuthi ngoSiphatheleni sebebuyele emigwaqweni ngemva kokunyamalala okwesikhatshana.
Kulendwendwe zemota ezinde okumangalisayo edolobheni leli lapho okulamagalaji amanengi angasela mafutha ezimota.
Ukungatholakali kwemali kukhathaza abantu abanengi abagoqela uNkosikazi Elizabeth Mudanda, isakhamuzi sakoBulawayo, othi kwephula inhliziyo ukuthi imali isitholakala ebantwini hatshi emabhanga.
“Imali ethengiswa emikambo yangasese iyakhathaza kulezinsuku abayithengisayo bebesebenganeno. Usizi yikuthi ungaya ebhanga uphiwa i$20 kodwa bona balayo enengi.”
USomabhamisi uNkosikazi Princess Nyathi uthi kulez’insuku badonsa nzima.
"Kulez’insuku sidonsa nzima njengabosomabhizimusi, asilali sikhathazeke okuphezu kwamandla ethu. Abantu abasathengi njengezolo, intengo isiphezulu lapho esiwoda khona intengo ziyaqansa ungalalisa inkophe ungaqaqabuka isitolo singasela mpahla. Ukwehla kwentengo kumele kuqale kulabo abasithengiselayo njalo okwamanje abantu abakwazi okuyikho bathenjiswa ukuba intengo izakwehla kodwa lokhe iqansa."
Amabhizimusi amanengi lokhe evalile ngoba bengela mafutha ezimota okuthwala impahla. Lozulu laye ubhekane lodubo lunye langentengo eqongileyo.
Lokhu kuchazwa nguNkosikazi Petronella Sibanda. “Ukusilela kwamafutha ezimota kunzima isimo sibi sesiqeda isikhathi sisemalayinini ezimota. Lokuthi intengo yelitha iyimalini asisakwazi sesiqakathekisa ukuthi bathele amafutha etankeni ukuthi bakhweze okunganani kunzima lokuthi sikwazi."
UMnu. Lovemore Moyo, othengisa amaluba koBulawayo, uthi ibhizimusi isibhidlikile.
“Ibhizimusi imbi kulez’insuku. Abantu babuya bethwele ibond, izinto ziqansile idola alitholakali kabakhuphe ibond ngoba selisibulalele ibhizimusi."
Uhulumende uhlala ethembisa ukuba udubo lokusilela kwemali, amafutha lokuqansa kwentengo yempahla kuzalunga kodwa uzulu uqhubekela phambili ebhekane lendubo lezi.
Your browser doesn’t support HTML5
Udaba Esilethulelwe NguAnnastacia Ndlovu