Abantu abanengi bathi uhulumende weZimbabwe kumele aqhatshe ababalisi abafundisa ezikolo zemfundo ephansi lapho abadabuka khona.
Bathi kuzwisa usizi ukuthi ababalisi abadabuka eMashonaland baqhatshwa ezikolo zemfundo ephansi eMatabeleland loba besehluleka ukukhuluma iSiNdebele lezinye indimi.
Uzulu ukhala ngokuthi abantwana bacina bengasafundiswa ngemfanelo ngoba ababalisi bayehluleka ukubafundisa ngolimi lwabo.
Uhulumende usanda ukuqhatsha ababalisi abanengi abangadabuki eMatabeleland leNkabazwe.
UMnu. Isaac Mpofu, umlobi olodumo njalo owake wabayisiphathamandla sohlangothi lukahulumende olwezemfundo, uthi ababalisi babeqhatshwa ezigabeni hatshi eHarare.
"Lokhu yikho osokusenza ukuthi kuqhatshwe ababalisi abangazi indimi zabanye abantu. Baqhatsha izihlobo zabo. Lokhu kubhidliza imfundo ezikolo."
Kasenelisanga ukukhuluma ngodaba lolu leziphathamandla zikahulumende.
Your browser doesn’t support HTML5
'Akuqhatshwe Ababalisi Abakhuluma iSiNdebele Lezinye Indimi eMatabeleland'