Ibandla leCitzens Coalition for Change lithi amalunga alo ahlaselwe eWedza North, ngoLwesithathu ngabacatshangelwa ukuthi ngabebandla leZANU PF, abazame ukuvimbela umkhokheli weCCC uMnu. Nelson Chamisa ukuthi edlule ngemota ayexoxisana lenkokheli zaleso isigaba.
Umsekeli wesikhulumeli salelibandla uMnu. Gift Ostallos Siziba, uthi udlakela lolu luqhamukile njalo kwezinye indawo ezigoqela iGokwe, Gutu le Uzumba ensukwini ezedluleyo.
Uqhubeke wathi ibandla leZANU PF liyabahlukuluza ngoba lethukile ngosekelo olukhulu olutholwa yi CCC ebantwini, phambilini kokhetho luka 2023.
Your browser doesn’t support HTML5
Ingxoxo loMnu. Gift Siziba
Obona ngokwethulwa kwembiko kubandla leZANU PF uMnu. Tafadwa Mugwadi ulandule kungxoxo ayiqhube leStudio 7 ukuthi amalunga alelibandla abangele udlakela. Isikhulumeli samapholisa uMnu. Paul Nyathi uthe kakemukeli umbiko ngaloludaba.