WASHINGTON DC —
Ibandla leZanu PF lehluleke ukuqhuba ukhetho lwalo lwama-primaries kwezinye indawo zelizwe ngoLwesibili ngenxa yengxabangxoza ekulelibandla.
Isikhulumeli seZanu PF, uMnu Rugare Gumbo walile ukuhkuluma ngodaba lolu esithi uzakhuluma ukhetho solwedlule ngoLwesithathu.
"Akulalutho engingalutsho kathesi ngoba ukhetho alukapheli," uMnu Gumbo utshele iStudio 7. "Akukabi lempumela ekhona okwamanje, ukhetho lusaqhubekela phambili endaweni ezitshiyeneyo."
Ukudingisisa esikwenzileyo kuveze ukuthi kwezinye indawo ukhetho alwenziwanga ngoba kuswelakale amaballot papers.
Kwezinye indawo njalo amapholisa yiwo ekade evotisa, okuyinto engavamanga njalo ebingakhangelelwanga nguzulu, ngitsho labo abasekeli beZanu PF.
Ukhetho lwalelibandla belumele lwenziwe ngelanga elilodwa elizweni lonke jikelele kudingwa abantu abazalimela kukhetho lwama-general elections.
Kodwa umgcinisihlalo walo uMnu Simon Khaya Moyo wazise ukuthi njengoba lungaphelanga lolukhetho, luzaqhubeka ngoLwesithathu, njalo impumela izakwaziswa emveni kwalokho.
KoBulawayo khona kubelohlupho njengakwezinye zonke indawo njalo amalunga eZanu PF aze aqalisa ukuvota ilanga ntambama selitshona.
"Obekuhlupha-nje yindaba ye-logistics, amaphepha okuvotela aphuzile ukufika, yikho siqale ukuvota ilanga selitshona," kutsho umgcinisihlalo weZanu PF koBulawayo uMnu Killian Sibanda ekhuluma leStudio 7.
Ingcwethi ecubunugla ezombusazwe uMnu Rejoice Ngwenya uthe ingxabangxoza ebekhona kuma-primaries eZanu PF iveza ukuthi lelibandla alizimiselanga ukungena kukhetho lokudinga uhulumende omutsha.
Kunjalo nje, uuMongameli Robert Mugabe, ongumkhokheli weZanu PF usuke elizweni ngoLwesibili elubhekise kweleSingapore ukuyabonana labodokotela bakhe.
Ihofisi kaMugabe yazise ukuthi, uMugabe ulande ukuyahlolwa amahelo njalo uzaphenduka ngempelaviki.
Isikhulumeli seZanu PF, uMnu Rugare Gumbo walile ukuhkuluma ngodaba lolu esithi uzakhuluma ukhetho solwedlule ngoLwesithathu.
"Akulalutho engingalutsho kathesi ngoba ukhetho alukapheli," uMnu Gumbo utshele iStudio 7. "Akukabi lempumela ekhona okwamanje, ukhetho lusaqhubekela phambili endaweni ezitshiyeneyo."
Ukudingisisa esikwenzileyo kuveze ukuthi kwezinye indawo ukhetho alwenziwanga ngoba kuswelakale amaballot papers.
Kwezinye indawo njalo amapholisa yiwo ekade evotisa, okuyinto engavamanga njalo ebingakhangelelwanga nguzulu, ngitsho labo abasekeli beZanu PF.
Ukhetho lwalelibandla belumele lwenziwe ngelanga elilodwa elizweni lonke jikelele kudingwa abantu abazalimela kukhetho lwama-general elections.
Kodwa umgcinisihlalo walo uMnu Simon Khaya Moyo wazise ukuthi njengoba lungaphelanga lolukhetho, luzaqhubeka ngoLwesithathu, njalo impumela izakwaziswa emveni kwalokho.
KoBulawayo khona kubelohlupho njengakwezinye zonke indawo njalo amalunga eZanu PF aze aqalisa ukuvota ilanga ntambama selitshona.
"Obekuhlupha-nje yindaba ye-logistics, amaphepha okuvotela aphuzile ukufika, yikho siqale ukuvota ilanga selitshona," kutsho umgcinisihlalo weZanu PF koBulawayo uMnu Killian Sibanda ekhuluma leStudio 7.
Ingcwethi ecubunugla ezombusazwe uMnu Rejoice Ngwenya uthe ingxabangxoza ebekhona kuma-primaries eZanu PF iveza ukuthi lelibandla alizimiselanga ukungena kukhetho lokudinga uhulumende omutsha.
Kunjalo nje, uuMongameli Robert Mugabe, ongumkhokheli weZanu PF usuke elizweni ngoLwesibili elubhekise kweleSingapore ukuyabonana labodokotela bakhe.
Ihofisi kaMugabe yazise ukuthi, uMugabe ulande ukuyahlolwa amahelo njalo uzaphenduka ngempelaviki.