Abesifazana bemaphandleni eZimbabwe bamanyane labanye babo emhlabeni jikelele ngoLwesibili ekunanzeni usuku lokubaqakathekisa olweInternational Day of Rural Women bekhala ngendubo ababhekane lazo ezigoqela indlala lokusilela kwamanzi.
Usuku lolu lwahlelwa ngumanyano weUnited Nations njalo lonyaka lunanzwa phansi kwendikimba ethi, “Rural Women Sustaining Nature for Our Collective Future: Building climate resilience, conserving biodiversity, and caring for land towards gender equality and empowerment of women and girls.”
Kulendlala emangalisayo eZimbabwe lonyaka ehlasele abantu bemaphandleni abedlula izigidi eziyisithupha, 6,2 million bona abadinga usizo lokudla oluphuthumayo.
Isiphathamandla senhlanganiso esebenza labesifazana bemaphandleni eyeWomen Developmen Association of Zimbabwe uNkosikazi Sethekele Tshabangu utshele iStudio 7 ukuthi uhulumende kumele esungule inhlelo ezilohlonzi zokuthuthukisa omama bemakhaya.
Your browser doesn’t support HTML5
Ingxoxo loNkosikazi Sethekele Tshabangu