Amazwe aseAfrica ananze usuku lweAfrica Human Rights Day ngoMvulo abanye bekhala ngokuthi uhulumende weZimbabwe uqhubeka esephula amalungelo kazulu.
Inhlanganiso ezizimeleyo ezigoqela eyamagqwetha eyeZimbabwe Lawyers for Human zethule imbiko zikhuthaza ohulumende bonke eAfrica, okugoqela oweZimbabwe, ukuthi balondoloze amalungelo.
Abamabandla aphikisayo bakhala ngokuthi babotshwa mahlayana, njalo bathi umzekeliso osobala yikubotshwa komkhokheli welinye lamacele eCCC uMnu Jameson Timba labanye bakhe, bona asebelenyanga ezibe bevalelwe.
Kodwa uhulumende uyakulandula ukuthi uhlukuluza uzulu.
Igqwetha uMnu Pardon Tapfumaneyi utshele iStudio 7 ukuthi kubalulekile ukuthi eleZimbabwe kanye lamazwe wonke jikelele ehloniphe amalungelo oluntu futhi ewalondoloze.
Your browser doesn’t support HTML5
Ingxoxo loMnu Pardon Tapfumaneyi