Amakhulu abantu abebuthene eNtabazinduna kukhunjulwa impi ye Gadade lapho ngempelasont edluleyo, okwalwelwa khona impi yokucina phakathi kwamabutho eNkosi uLobhengula labahuquluzi benotho.
Limpi yaqala ngomnyaka ka 1893 lapho amabutho eMbizo anqotshwa ngabelungu ababelezikhali ezizakhafula inhlamvu ezinengi ezithiwa ngama Maxim machineguns lona ibutho lika Lobhengula lilemikhonto lamahawu.
Ngemva kwempi le inkosi uLobhengula ibikwa yasithela yaqonda entshonalanga lapho eyanyamalala khona.
Lokhu waqala ukwenziwa lumbuthano eminyakeni emine edluleyo inani labantu eliya khona lokhe liqonga minyaka yonke njalo abakade bekhona lonyaka bebebanengi ukwedlula nyakenye.
Bekungela ziphamandla zikahulumende kodwa umhlonitshwa bekuyinduna uNdiweni.
Omunye wabaqoqe lumbuthano, uMnu. Greater Vodloza Sibanda owenhlanganiso ye Mhlahlo Wesizwe SikaMthwakazi, utshele umsakazo weStudio 7 ukuthi lumbuthano uphumelele okwamagama okuthabisileyo.
Ukunanzwa kwempi yeGadadi
UVodloza uthi bakhangelele ukuthi lesi sikhumbuzo siqhubeke sisiba losekelo olukhulu eminyakeni ezayo.
"Silethemba lokuthi ngeminyaka elandelayo iziphathamandla zikahulumende lazo zizakuza kulumbuthano," kutsho uSibanda.
Your browser doesn’t support HTML5
Ingxoxo loMnu. Greater Vodloza Sibanda