NgoLwesibili likhefu lokunanza ilanga lokumanyana kwamabandla athi ele Zanu lele PF Zapu kusivumelwano esenziwa ngomnyaka ka 1987.
Lesi sivumelwano senziwa ngemva kokuxabana okwatshiya abantu abanengi esigabeni se Matabeleland lese Nkabazwe bebulewe ngombhuqazwe we Gukurahundi.
Kodwa namhla balutshwana abati kulokumanyana elizweni ikakhulu nxa sikhangela ukuthi ibandla le Zapu lavuselelwa nguMnu. Dumiso Dabengwa labanye bakhe. Akula hlelo lukahulumende olwenziwayo ngalelilanga.
UMnu. Norman Mabhena lilunga lebandla leMDC-T, owayeyisiphathamandla njalo sebandla le Zapu nngomunye wabake baya kubandla le Zanu PF ngemva kwesivumelwano se Unity Accord.
UMabhena uthi isivumelwano lesi sahle satshabalala ngokubhubha kukaMnu. Joshua Nkomo onguye owasayinelana loMongameli Mugabe.
“Asazi abanye abangakhuluma nge unity thina abanye asisakhulumi nge unity ngoba ngumdlalo. Sasihlonipha uNkomo. It was more of a horse and a rider, iZanu kuyiyo irider,” kutsho uMabhena.
Wengezelele esithi iZapu yaphuma ku Zanu PF isuswa nguMnu. Dumiso Dabengwa yikho labo abalokhu bezithi baku Zapu bona beku Zanu PF kabazi lutho.
Kutsho uMabhena: “Akulakubambana elizwe lapha. Ngoba leyo unity ukuthi yalethani ngoba ngabe kule unity ngabe kule equality.”
Your browser doesn’t support HTML5
Ingxoxo loMnu. Norman Mabhena