Abasakhulayo beZimbabwe ngoLwesibili babambane labanye babo eAfrica ekunanzeni ilanga leDay of the African Child, lona eliqakathekisa ukulondolozwa kwamalungelo abantwana.
Ilanga leli lasungulwa yiOrganization of African Unity ngenjongo yokukhumbula abasakhulayo abensundu ababulawa nguhulumende wobandlululo kweleSouth Africa ngo1976 betshengisela eSoweto besola umthetho owawubabamba ngamandla ukuthi bafunde ulimi lwesiAfrikaans.
Kulezinsuku ilanga leli linanzwa ngamazwe eAfrica ngenjongo yokuhlonipha amalungelo abasakhulayo. Indikimba yalonyaka ithi uzulu kumele abambisane ekulwisaneni lokwendiswa kwabantwana.
Ukuhlaziya ukuqakatheka kwelanga leli kwabatsha, sixhume umkhokheli wogatsha lwabasakhilayo kuMDC ekhokhelwa nguMnu Welshman Ncube uMnu Descent Bajila.
Your browser doesn’t support HTML5
Ingxoxo loMnu Descent Bajila