UMongameli Robert Mugabe utshele umbuthano wokunanza ilanga labezomvikela ukuthi kwakunzima ukumanyanisa ivuyo leZanla, Zipra lele Rhodesia Front.
Esethula amazwi akhe embuthanweni owenzelwe enational sports stadium ngoLwesibili uMugabe uthe imisebenzi yabebutho eminye engayisiyo yokuvikela isizwe iyancomeka kakhulu.
Amabutho eZipra, Zanla lele Rhodesia amanyaniswa kwabunjwa ibutho linye lanxa amabutho la ake adibana kwalwiwa.
Sixoxe lowalwa impi yenkululeko ekuvuyo leZipra uMnu. Tshinga Dube osemela isigaba seMakokoba othi uhulumende weleBhilitane waphathisa kakhulu ekubunjweni kwebutho le Zimbabwe National Army.
Kunjalo nje, bekungelankokheli yamabandla aphikisayo embuthanweni wangoLweisbili. Ingcwethi ecubungula ezombusazwe, uMnu. Brilliant Mhlanga utshele iStudio Seven ukuthi ilanga le Defence Forces Day kalisaqakathekanga kakhulu ngoba kungela kuthembeka kubutho leli.
Your browser doesn’t support HTML5
Ingxoxo loMnu. Brilliant Mhlanga