Umphathintambo wezabatsha lokuthuthukisa inotho kazulu uMnu. Saviour Kasukuwere uthi uhulumende ulakho ukuthatha amankampani emazweni ngendlela ibandla le ZANU PF elathathela abamhlophe amapulazi.
UKasukuwere utshele amaphephandaba eJohannesburg eSouth Africa lapho akade esemhlanganweni wezemigodi lamabhizimusi ukuthi amashares afunwa nguzulu lohulumende kumankampani la angahlelwa ngenzuzo yokuzenjiwa yimigodi le.
Ngakho-ke uhulumende ulakho ukuthi inzuzo yezokwenjiwayo ilinganiswe lama shares angamatshumi amahlanu lanye afunwa nguhulumende kuhlelo lwe Indigenization.
UKasukuwere uthi kusobala ukuthi uhulumende kasoze-ke abhadalele okwenjiwa emhlabathini kazulu.
Ingcwethi kwezenotho uMnu. Masimba Kuchera uthi kuyayangisa ukuthi ibandla le ZANU PF lifuna ukuthatha amankampani emazweni ngobudlwangudlwangu.
