Kulendlala eyesabekayo eLower Gweru eNkabazwe lapho abantu abakhala ngokuswelakala kokudla, amanzi lokunye.
Izakhamizi phose zonke esigabeni lesi zithi kazivunanga lutho lonyaka ngoba izulu kalinanga ngenxa yesikhudumezi somkhathi ese-El Nino esisemhlabeni wonke jikelele. Abantu abanengi esigabeni lesi bathi sebethengisa izifuyo ukwenzela ukuziphilisa. Omunye wababhekane lendlala le nguMnu. Benjamin Mpala ohlala eSt. Faith.
"Kulendlala eyesabekayo abantu kunzima sesiphombu kuphila ngemkhuna loxakuxaku akuvunwanga lutho labalemigodi imgodi yakhona isi dryer amanzi kawakho so sithwele nzima shuwa sasenza amaplan wokuthi sidlale okungamaclub lozuze igokoko laye anike omunye ngomganu ah kunzima lapha lower Gwelo lonyaka."
UMnu. Bongani Ncube ohlala eShagari onguTsheketsha uthi yindlala yodwa lonyaka.
"Mina ngiphuma endaweni okuthwa kuseshagari ayi lonyaka kunzima akulamanzi izulu kalikho lezibhorane zifile khonapha ngizama ukuthi ngikorokoze akulamanzi akulalutho ayi kunzima lonyaka.
EMaboleni lakho bayakhala abantu ngokuswelakala kokudla lamanzi. UMnu. Abednico Mbano uthi abantu bonke badinga uncedo.
"Lower Gwelo asila lutho kwatsha so asiboni lokuthi singabamba ngaphi ngoba akula lamsebenzi eyinye into ebesiyicela besicela uhulumende ukuthi angasincedisa ngokuthi asinike okokudla abantu bazakufa.
Lokhu kufakazwa nguMnu. Michael Makwhili.
"Impilo yase lower Gwelo kunzima izulu lana kumbe kathathu layala ngitsho lokusivumela ukuthi sivune nje ngitsho lokusiqu nje komumbu idlale lapho ukuthi ungabona nje umumbu owodwa owele phansi esigayweni noma nje ah kunzima indlala elapha ayi kunzima
Umsekeli womgcinisihlalo webandla leZanu-PF kuWard 4 eNtabamhlophe, uMnu. Godern Tshuma, uthi abantu bayaphiwa ukudla loba nje kukulutshwana.
"Lonyaka izulu alinanga indlala ikhona sibili siyalamba kodwa umumbu uyalethwa nguhulumende upresident unikeza abantu ukudla vele so mhlaka 21 siyahola."
Induna uSogwala uthi amanzi kawasatholakali njalo kulendlala eyesabekayo.
"Akula zibhorani zamanzi indlala ayi abakasiholisi bayahola nje mbijana khonokho abanye hayi bayaqeda masinyane ah bazabe bethanga hanti balenkomo bazathengisa inkomo bengayekela abantwana besifa."
Inhlanganiso ezizimeleyo zithi kulabantu abedlula izigidi ezingamatshumi ayisithupha – 61 million ababhekane lendla enkulu kuzwekazi leAfrica. EZimbabwe kulabantu abafika phose izigidi ezilitshumi – 9.9 million abadinga ukudla ngenxa yendlala ebangelwe yikukhudumala komkhathi emhlabeni wonke jikelele.
UMongameli Emmerson Mnangagwa wavuma ukuba kulendlala eyesabekayo elizweni ethi kudingakala imali efika amabhiliyoni amabili – US$2 billion ukuze kuncedwe abantu abalambayo.
SEE ALSO:
Udaba Esilwethulelwe nguThuso Khumalo