Kulabasakhulayo abalethemba lokuthi umnyaka ka2025 uzabalethela injabulo lenhlalakahle kubelabanye asebelahl'ithemba abathi akulanto ezaguquka ngenxa yokuswelakala kwemisebenzi.
UAddington Mpofu, osakhulayo okubandla leZanu PF koBulawayo, uthi kunengi okuzakwenzakala ngo2025.
“Kumele umnyaka ophelileyo lowu usifundiseokunengi, lokho esizakusebenzisa emnyakeniozayo. Zingaba zikhona izikhathi lapho esakhuthakhona izingatsha, sawela phansi, kumbeesakhalala khona, izinto zayekela ukuyangendlela esasiyikhangelele- kumele konke lokhusikulungisise sisiya ku2025. Ngilethemba lokuthiuzakuba ngumnyaka ozaletha ukuthuthukakwabatsha abalentshukuntsha yokuphakama.”
Kodwa uEric Gono owake waba kudale lephalamende ekubandla leCitizens Coalition for Change ngomunye wabathi akusoze kubelenguquko kwezenotho lezombusazwe ngomnyaka ka2025.
“Nxa sikhangele khathesi, akula ndlela zokuthiabasakhulayo bazuze ngayo imali yokuziphilisangoba imisebenzi ayitholakali. Sikhangeleokwethulwa ngumphathintambo obona ngezemali, uMnu. Mthuli Ncube, mayelano lomkhonomiwomnyaka ozayo, akutshengisi ukuthiuhulumende uyazama sibili ukutholisa ontangaamathuba okuzithuthukisa. Sizabonaabasakhulayo laba sebephelela ezidakamizweni, abanye bethengisa imizimba, kuthi njalo abanyebebe yizigebenga.”
Uthi abasakhulayo kumele bezilwele ukwenzela ukuthi bephile ngcono eZimbabwe.
“Kukibo ontanga ukuthi bazaqhubekela phambilibeyekela uhulumende ebaphatha ngalindlela, kumbe bazathatha imizamo engabalethelainguquko abayifunayo. Sibonile eKenya, bazamilesibili ukwala ukuncindezelwa; sibona njalokweleMozambique, bayaziveza ukuthi abajabulingendlela uhulumende ayenza ngayo izinto. Singazi ukuthi abakuleli bazakwenzani. Kodwabengayekela ukwenza lutho, impilo yaboibhekane lobunyama obukhulu.”
Ingcwethi ezimeleyo ebona ngezabatsha uNkosikazi Mavis Sibanda uthi abatsha kumele bezithuthukise.
“Abasakhulayo bengameleli ukuqhatshwa, kodwalabo abaqhatshe. Kabafunde ukwenzaamabhizimusi. Kuyathokozisa ukubona ontangabephakama labo besungula amabhizimusi ngobakutshengisa ukuthi bafuna ukuya phambili, baqhubeka ngomsebenzi. Lathi siyabe sesikwaziukuthi bakhona abazasigcina. Amabhizimusiwonke esiwabonayo emhlabeni, asungulwengabanye abantu; pho angikuboni okungehlulaukuthi owami umtwana asungule elakhe?”
Osakhulayo ohlala eHarare olebhizimusi lokuthunga uImmaculate Kwashira uyakusekela lokhu.
“Sengafunda ukuthi nxa ufuna ukwenzaibhizimusi, kumele ulungiselele ubunzima, njalokumele uqine ube liqhawe. Uma bubuyaubunzima, bhekana labo ngqo, udinge indlelazokuphuma kibo. Akukho lula, ikakhulukubomama ngoba bavele bele mthwalo eminengi, kodwa kumele beme, bengawiselw phansi. Nxaumuntu ongumama ezimisele, akulaokungamphazamisa ukufika lapho afuna khona.”
Akwaziwa ukuba kuzakuba lenguquko kumbe hatshi eZimbabwe okuzakwenza abatsha bezithuthukise ngomnyaka ka2025.
SEE ALSO: Udaba Silwethulelwa nguTobias Mudzingwa.wav