Kulabantu abathakazelela ukuba uMongameli Emmerson Mnangagwa usefisa ukusuka esikhundleni kube labanye abathandabuza ukwenza kwakhe besithi ulakho ukufela ewofisini.
Abanengi babambe umlomo wangaphansi besizwa amazwi kaMnangagwa izolo esithi usefuna ukusuka esikhundleni.
Osakhulayo untombazana uNonhlanhla uthi kahambe.
“Ngithi uMnangagwa kaphume, kaphume shame uyehluleka. Sesidubeke kakhulu shame izinto azihambi kahle, imisebenzi ayikho yena uhlezi nje kuphela lakusasa nje engavuka etshiyile ahambe.”
Osanda kuqeda izifundo zakhe ekolitshini leNational University of Science and Technologu uSambulo Moyo uthi umongameli sokumele aphumule njengalokhu akuthembise uzulu.
“Lokhe ngiqedileyo ukubhala vele akula msebenzi akulani hayi umdala kaphumule kube labanye abazamayo Sithole lathi imisebenzi anike abanye chance ayi thina sifuna imisebenzi sihlezi hayi umdala kaphumule iminyaka isihambile.”
Kodwa uNkosazana Alecia Nkomo ilunge lebandla leZanu-PF uthi uMnangagwa akumelanga atshiye umsebenzi.
“Hayi mina ngithi umdala kangatshiyi siyamfuna u Munangagwa until 2030 lokhe ekhona.”
Ukhulu uEdward Dube uthi kalaqiniso ngamazwi kaMnangagwa, kodwa ufisa ehle esihlalweni.
“Asilaqiniso ngokuthi sesajayela ukuthi izinto ziyakhulunywa sikhangelela ukuthi zizakwenzakala ngohlobo olunje but zicine zingasayenzakali ngalelo hlobo uyakubona if nga kuyikuthi liqiniso hayi kaphumule kade ekwenza mani.”
UMnu Mbonisi Gumbo, ilunga leMthwakazi Republic Party, uthi kukhona okufuqa uMnangagwa ukuthi esuke esikhundleni.
“Inkulumo lezi ezenzakaloyo lokubotshwana kwabantu eh lama threats esiwabonayo esenziwa ngabe army esenzwa ngamasotsha and so on yizinto ebesizibona ngo 2016 lango 2017 before icoup so ngendlela esikubona ngakhona sicabanga ukuthi akukodwa I statement lesiyana asikhulumileyo uMnangagwa asisodwa kukhona lapho esisukela khona.”
Eyinye inkokheli yebandla leZapu, uMnu Mathew Bhubesi Sibanda, uthi ulethemba lokuthi uzakwenza akukhulumileyo.
“Engabe eqinisile ma engabe esetshintshe inqondo laye esekubona ukuthi ngoba abantu baya complainer bayasola even labe bandla lakhe ukuthi kanti engayedlula kanjani into ebekwe phansi kuconstitution eyisivumelwana ukuthi yonke ileader engenayo kufanele iqube amaterm amabili sibone abalandelayo ukuthi bona balotshintsho olunganani interms of economic esiwile yonke nje into engasekho kahle elizweni.”
UMnu. Ereck Gono owebandla leCitizens Coalition for Change uthi abantu bangamthembi uMnangagwa.
“Ukuthemba uMnangagwa yikuzikhohlisa emalangeni amalutshwane adlulileyo simbonile elayinisa ama Minister ewatshayisa islogan soneso esokuthi 2030 plan yakhe yikubusa ezefele emsebenzini njenge spanela uyenzela ama head of state wonalawa abuyayo ukuthi azibukise engani ngumuntu othanda umthetho olandela umthetho but ke eqinisweni siyakwazi ukuthi eh nge plan yakhe ufuna ukube lokhe ekhona encindezela abantu.”
Isikhulumeli seZanu-PF koBulawayo, uMnu. Achie Chiponda, uthi lanxa kubuhlungu ukuthi uMnangagwa uzatshiya kodwa bayamukela izifiso zakhe.
“Kwesinye isikhathi kumele sihloniphe isinqumo somuntu lanxa umuntu umthanda. Bengifisa aqhubekele phambili. Njebandla elibusayo le Zanu-PF sizazama ukwenza isiqiniseko ukuth ozathatha isikhundla uzalandela indlela kamongameli aqhubekelise inhlelo zakhe”.
UMfundisi Raymond Motsi uthi kukhona okwenze uMnangagwa wakhuluma inkulumo enjalo.
“Kungani kulesizatho kulezizatho ezithile ezenza ukuthi umuntu aze akhulume into enjenga yonaleyi izikile linto kutsho ukuthi kukhona mhlawumbe ukubandezela okubandezelayo okwenza ukuthi umuntu ukuthi akhulume kungaba yinto ethabisa abanye abantu ukuthi balibale bengacabangi ngakho kakhulu njengama citizens sifike esigabane sokuthi khona sithini ngakho lokhu sizakwenzani ukuthi ayehle iterm yakhe ingaphela.”
Ekhuluma eseMutare Teachers College, uMnangagwa uthe ibandla leZanu-PF lizakhetha umkhokheli omutsha ozamelama kuCongress njengenhlalayenza.
Amazwi akhe aza ngesikhathi abanye kuZanu PF besithi uMnangagwa kumele eguqule isisekelo sombuso welizwe ukuze simvumele ancintise njalo kukhetho luka2028, okuyinto ebikwa ibisidala ukufuthelana kubandla elibusayo.
SEE ALSO:
Udaba Esilwethulelwe NguEzra Tshisa Sibanda