Kulabasakhulayo abathi luqakathekile usuku lweKhisimusi kube labanye njalo abangelandaba lelanga leli elithakazelelwa kakhulu ngabalandela ukholo lweSiKhristu.
UTsitsi Mashavave, ohlala Harare, uthi uyalithakazelela ilanga leli ngoba ulandela ukholo lweSiKhristu.
“Lilanga esilithandayo ngoba lisikhumbuza ukuzalwa komsindisi wethu, uJesu. Ingabe akabuyanga ukuzosisiza lapha emhlabeni, ingxenye singabe siphila impilo ezinzima okuzwayo. Kodwa ukuba lomuntu owasithanda ngendlela esathandwa ngayo nguJesu, lokhu kwenza ukuthi sithakazelele uthando olungaka, yikho ngizabe ngikholisa
UThemba Zibhowa oyisakhamuzi seSenga eGweru laye uyaluthakazelela usuku lweKhisimusi.
“Mina ukuya esontweni ngiyahamba, kodwa hatshi kangako. Thina sakhuliswa ilanga leli lithakazelelwa okwamagama- siqala ngokuyakhonza ekuseni, kuthi sivela khona, sesizidlela kanye lokuzinathela. Kuhle ukuthi konke lokhu sikwenze ngoba yikuhlonipha uNkulunkulu, kanye lokuzinikela ezintweni ezinhle lapho siphila emhlabeni.”
Kodwa bakhona abanye abathi usuku lolu lufana lamanye amalanga. Omunye wabo nguSilethemba Mthombeni ohlala (insert here where she lives).
“Mina ngizimele angikuboni engingathi kumele ngikunanze mhlaka25 ngoba akukho okutsha engingathi kufanele kwenziwe. Izinto ezifana lokutshengisa izihlobo labangane uthando, ngikwenza malanga wonke. Izibiliboco siyazipheka amalanga amanengi, njalo ukunatha siyanatha nxa sifuna. Yikho ngisithi lilanga lokuphumula nje singayi emisebenzini, kodwa akukho engingathi kumele ngikunanze ukwedlula lokhu.”
Kulabanye njalo abalandela ukholo lweSiKhristu abakholisa okumangalisayo ngosuku lweKhisimusi. Abanye balandela okwenziwa ngabazali babo abahlaba inkomo kumbe imbuzi badle besuthe lezihlobo labangane. Lesi yisikhathi sokuzilibazisa. UPrimrose Ncube odabuka esiqintini seMbuso esigabeni seMatobo ngomunye walabo abazakholisa lezihlobo labangane kusasa.
“Lesi yisikhathi sokuthi ngiye emakhaya, ngiyophumula, ngijabule ngile muli lezihlobo labangani. Sithola njalo ithuba lokubona ukuthi lomnyaka usiphatheleni. Mina angithandi ukuphuma ngelanga leli, kodwa njengoba siyabe sithe gwaqa lokhulu logogo, sizakudla lokunatha, sizilibazise.”
Ocubungula ezabatsha ezimele, uCraig Ntuliki, uthi kumele abasakhulayo beziphathe ngosuku lolu.
“Ngicela ukuthi intsha ingasuki ikuthathele phezulu kakhulu. Yebo abantu kabajabule bachelese, kodwa ngonanzelelo olukhulu ngoba kuyenzeka ukuthi abantu bezithole sebesengozini. Abanye yibo abangaphuza kakhulu becine sebetshayela izimota ngendlela engayisiyo lokwenza izinto ezingenziyo. Yebo kholisani kodwa bani kwazi ukuthi impilo iqakathekile, njalo hloniphani umuntu oseceleni kwakho.”
Isikhulumeli samapholisa uCommissioner Paul Nyathi laye uthi akumelanga abatsha begange ngesikhathi sekhefu leKhisimusi ngoba balakho ukubotshwa bevalelwe entilongweni.
SEE ALSO:
Udaba Esilwethulelwe NguTobias Mudzingwa