Kulabanye kwele Zimbabwe abathi sokumele kwenziwe umhlangano omkhulu ozabuthanisa izifundi, inhlanganiso ezizimeleyo, abakumabandla atshiyaneyo, abezokholo lweSikhristu, abatsha, abesifazana, izisebenzi labanye ukwenzela ukuba kubunjwe ibandla elizasusa eleZanu PF embusweni.
Bathi kumele umhlangano lo ubenjengalowo owenziwa ngomnyaka ka1999 okwabunjwa khona ibandla leMovement for Democratic Change elalikhokhelwa nguMnu. Morgan Tsvangirai.
Abalombono lo bakubandla leMDC-T labanye asebesukile kubandla leli, abakhonona bekubandla leCitizens Coalition for Change labanye. Ukuhlaziya loludaba sixoxe loMnu. Fortune Mlalazi okubandla leCCC loMnu. Nhlanhla Moses Ncube okubandla leFreedom Alliance. UMlalazi usungula lingxoxo.
UMlalazi uthi kuzakubanzima ukuba kusungulwe ibandla elikhulu elingasekelwa ngabantu abanengi abatshiyeneyo.
Kodwa uNcube uthi kuyenakala ukuba kubunjwe ibandla likazulu.