Inhlanganiso yezamalungelo oluntu eye Human Rights Watch isisole kakhulu ukwephulwa kwamalungelo oluntu emazweni amanengi eAfrica agoqela lele Zimbabwe emnyakeni ka2005. Linhlanganiso yethule umbiko wayo ka2016 eJohannesburg ngoLweisithathu yathi emazweni amanengi kugoqela leZimbabwe kuhlukunyezwe amalungelo abamabandla aphikisayo, izintathelizindaba labanye abangavumelani lokwenziwa ngohulumende.
Embikweni wayo wamakhasi edlula amakhulu ayisithupha, inhlanganiso ye Human Rights Watch ithi ohulumende abanengi bebevuka ngolaka lodlakela nxa uzulu ekhalaza ikakhulu kusesatshelwa ukuthi umphakathi angacina ekhulela ukuhulumende ngokuqoqana kusetshenziswa inhlelo zokuxhumana zebulenjini be internet.
Umcwaningi enhlanganisweni ye Human Rights Watch umnumnzana Dewa Mavhinga uthi iZimbabwe, iSouth Africa, iAngola, iDRC leSwaziland yizo ezihambe phambili ngokwephulwa kwamalungelo oluntu ezansi yezwekazi le Africa.
EZimbabwe 2015, UMugabe usebenzise amapholisa, amasotsha labanye ukuthi batshaye abantu abaphikisa igovernment yakhe ye Zanu PF. U Itai Dzamara wanyamalala ngo March 2015. Igovernment kaMugabe ayikhangeli ukuthi abantu bahlala njani, badlani?
UMavhinga uthi inhlupho zempilo ezibhekane losapho lweZimbabwe ngalesi sikhathi inengi lazo zabangelwa nguhulumende njalo ziyikwephulwa kwamalungelo oluntu.
Abakhangeli ukuthi abantu baphila njani? Bayahamba yini esikolo abantwana? Esibhedlela abantu bayancediswa yini? Imali kayikho abantu bayasebenza basebenzela amahala, EZISCO Steel EKwekwe, konke lokhu uMugabe akakhangeli ukuthi abantu bakhe bahlala njani.
Isizalwane seZimbabwe umnumnzana Godfrey Phiri onguMqondisi wenhlanganiso ye Southern Africa Campaigns Network uthi okwethulwe ngumbiko wale inhlanganiso yikho xhathu okwezekala eZimbabwe.
Masibheke iZimbabwe ngo 2015 kumaHuman Rights angiboni into okungathiwa iyasijabulisa loba yenzakele ngoba okwamanje manengi amalungelo abantu anyathelwe ngabantu abasebenza esipholiseni nabaku intelligence njengalaba ababizwa ngokuthi yi CIO abesatshwa ngabantu kakhulu eZimbabwe.
UMavhinga uthi konke okuhluphayo eZimbabwe kusemandleni kaMongameli Mugabe ukuthi akulungise.
Sithi kuMugabe khangela ukuthi sileConstitution enstha eZimbabwe eka2013. I constitution le ilamalungelo amanengi. Siyacela ukuthi unike abantu amalungelo akhona kuconstitution. Sicela ukuthi abantu babe lokudla okunengi. Labo abasebenzayo banikwe imali. Sicela ukuthi uMugabe alungise ukuthi ngubani ozothatha isikhundla.
Uthi sesifikile isikhathi sokuthi amazwe eAfrica atshelwe ukuthi ukuhlonitshwa kwamalungelo oluntu kakusinto yokuzikhethela kodwa amazwe onke omhlaba abanjwa ngamandla ukwenza lokhu.
Your browser doesn’t support HTML5
Udaba Silethulelwa nguBennedict Nhlapho