Umphathintambo wezokuthwalwa kwezinto lokuthuthukisa imigwaqo uMnu. Nicholas Goche uthi inkampani yendizamutshina eye Air Zimbabwe ifuna imali efika kuzigidi ezingamatshumi amabili zamadola eMelika ukwenzela ukuthi yenelise ukubhadala izikwelede elazo njalo yenelise ukuqhubekela phambili isebenza kakuhle ithola inzuzo.
Intathelizindaba yethu uMark Peter Nthambe uthi uGoche, obemiswe phambili kwekhomithi yedale lephalamende elikhangelane lomsebenzi wakhe, uthe iAir Zimbabwe ingathola leyo mali izavuselela imsebenzi etshiyeneyo ibe isidinga eyinye imali yenhlelo zayo.
OkaGoche kaphumelanga egcekeni ukuthi imali le efunwa yi Air Zimbabwe ivele njani njalo ingatholakala njani loba nje uhulumende efuna ukuyithengisela osomabhizimusi abazimele bodwa kumbe amankampani emazweni angadlelana laye.
Ukucubungula udaba lwenkampani yendizamtshina le, ingcwethi kwezenotho uMnu. Walter Nsununguli Mbongolwane utshele uGibbs Dube we Studio 7 ukuthi iAir Zimbabwe ingeke yavuselelwa yimadlana le ekhulunywa nguGoche.
