Kulabantwana abane abafele emoteni abazivalele kuyo ngesikhathi bedlala eHopley Zone One, eHarare, lapho amapholisa athi basuke baphelelwa ngumoya wokuphefumula.
Abathathu babo bebeleminyaka yokuzalwa emithathu njalo babalisa uAllen Busiri, Kudzaishe Tsuro loAshley Mato. Owesine nguAnotidaishe Mutize obeleminyaka emine.
Isikhulumeli samapholisa uMnu Paul Nyathi, wazise ukuthi abantwana laba bazivalele emoteni yohlobo lweToyota Chaser ngehola letshumi lambili, 12 O’clock emini ngoLwesine baze batholakala ngumnikazi walimota ngehola lesikhombisa, 7 O’clock ntambama sebefile.
Uthi ukuzivalela kwabo kwenze baswela umoya wokuphefumula. Ukuthi babonakale phakathi kwalimota ngesikhathi bedingwa kube nzima ngoba amafasitela ayo ebependiwe engakhanyeli.
Ingozi ezinye zivame ikakhulu eMelika ngesikhathi sokutshisa.
Umkhokheli wenhlanganiso yeMotor Industry Employers Association of Zimbabwe uMnu Abednico Bhebhe, ekhuluma leStudio 7, uxwayise abanikazi bezimota ukuthi bathathe wonke amanyathelo angavikela ingozi ezinje nxa belapho okulabantwana khona.
Your browser doesn’t support HTML5
Ingxoxo loMnu Abednico Bhebhe