Umthethwandaba kamantshi weMasvingo ukhulule izakhamizi zakulindawo ezingamatshumi adlula ayisikhombisa, 66, ezibotshwe ngoMvulo zisetheswa icala lokwephula umthetho ophathelane lokulondolozwa kwamanzi oweWater Act, ngokwakha imizi duzale ledamu leMutirikwi.
Abantu laba bakhululwe ngemali yesibambiso, i-bail, ngoLwesibili, ngemva kokungenela kwamagqwetha akhankasela ukulondolozwa kwamalungelo oluntu aweZimbabwe Lawyers for Human Rights.
Abatshutshisi batshele umthethwandaba ukuthi abantu laba bakha imizi yabo ngokungekho emthethweni duzane ledamu leli ngomnyaka ka2000.
Kodwa igqwetha labo uMnu Frank Chirairo utshele umsakazo weStudio 7 ukuthi abantu laba sebahlala bagxila kulindawo kanti lamathuna abokhokho babo akulindawo, ngakho akwenzi ukuthi basuke.
Umkhokheli wenhlanganiso yeMatabeleland Institute for Human Rights uMnu Khumbulani Maphosa uthi okwenzakala kuzakhamizi zeMasvingo yinto asebeyibone isenzakala ebantwini abanengi endaweni ezitshiyeneyo zeZimbabwe.
Your browser doesn’t support HTML5
Ingxoxo loMnu Khumbulani Maphosa