HARARE —
Umhleli wephephandaba ele The Zimbabwe Independent, uDumisani Muleya, kanye lentathelizindaba yaleli phepha u-Owen Gagare, babotshiwe ngolweSibili besetheswa icala lokuloba amanga edabeni oluphume kuleli phephandaba oluthi ibandla leMDC-T liphakathi kokuxoxisana lenkokheli yebutho lamapholisa nsitha ngaphambilini kokhetho olukhangelelwe ukwenziwa lonyaka.
Isiphathamandla senkampani yeAlpha Media Holdings, edhinda iphephandaba le The Zimbabwe Independent, sithi uMuleya lo Gagare babotshwe ngolweSibili lapho beyezinikela emapholiseni ngemva kokuba ebabizile ngoMvulo.
Isikhulumeli samapholisa sithi intathelizindaba lezi zetheswa umlandu wokuloba amanga zisephula umthetho owe Criminal Law Codification (Reform) Act edabeni oluphume kuphephandaba lazo ngeviki edluleyo.
Inhlanganiso yentathelizindaba eye Zimbabwe Union of Journalists-ZUJ, isole kakhulu ukubotshwa kwababili laba isithi lokhu kuyayangisa kakhulu lona ilizwe lisanda kumanyana lamanye amazwe womhlaba ekunanzeni ilanga lokusebenza kwentathelizindaba zikhululekile ele World Press Freedom Day.
Iphephandaba le Zimbabwe Independent libikwa liphumise udaba kumaviki amabili edluleyo oluthi i-MDC ekhokhelwa nguMnu. Morgan Tsvangirai iyaxoxisana lenkokheli zebutho lamapholisa ensitha ngenhloso yokuzithembisa ukuthi kazisoze zilahlekelwe ngumsebenzi lapho uTsvangirai esethethe intambo zombuso ngemva kokunqoba ekhethweni olukhangelelwe ukwenziwa lonyaka.
Iphephandaba leli libikwa lithe njalo unobhala obona ngezomvikela kuMDC-T uMnu Giles Mutsekwa, ubambe umhlangano lesiphathamandla sebutho uMnu. Constantine Chiwenga, labanye bakhe oMnumzana Martin Chedondo lo Douglas Nyikayaramba ngenhloso yokubancenga ukuthi bangakhokheli umvukela nxa uTsvangirai nxa esenqobe uMongameli Robert Mugabe kukhetho.
Iziphathamandla zebutho zihlezi vele zikubeka sobala ukuthi kabasoze basaluthe uTsvangirai lanxa angaze anqobe kuketho okugoqela bona o-Nyikayaramba lo Chedondo.
Ngesikhathi loludaba lulotshwa ebulenjini ababili laba babikwa bebe sebekhululiwe sebezamelela ukubizwa emthethwandaba.
Isiphathamandla senkampani yeAlpha Media Holdings, edhinda iphephandaba le The Zimbabwe Independent, sithi uMuleya lo Gagare babotshwe ngolweSibili lapho beyezinikela emapholiseni ngemva kokuba ebabizile ngoMvulo.
Isikhulumeli samapholisa sithi intathelizindaba lezi zetheswa umlandu wokuloba amanga zisephula umthetho owe Criminal Law Codification (Reform) Act edabeni oluphume kuphephandaba lazo ngeviki edluleyo.
Inhlanganiso yentathelizindaba eye Zimbabwe Union of Journalists-ZUJ, isole kakhulu ukubotshwa kwababili laba isithi lokhu kuyayangisa kakhulu lona ilizwe lisanda kumanyana lamanye amazwe womhlaba ekunanzeni ilanga lokusebenza kwentathelizindaba zikhululekile ele World Press Freedom Day.
Iphephandaba le Zimbabwe Independent libikwa liphumise udaba kumaviki amabili edluleyo oluthi i-MDC ekhokhelwa nguMnu. Morgan Tsvangirai iyaxoxisana lenkokheli zebutho lamapholisa ensitha ngenhloso yokuzithembisa ukuthi kazisoze zilahlekelwe ngumsebenzi lapho uTsvangirai esethethe intambo zombuso ngemva kokunqoba ekhethweni olukhangelelwe ukwenziwa lonyaka.
Iphephandaba leli libikwa lithe njalo unobhala obona ngezomvikela kuMDC-T uMnu Giles Mutsekwa, ubambe umhlangano lesiphathamandla sebutho uMnu. Constantine Chiwenga, labanye bakhe oMnumzana Martin Chedondo lo Douglas Nyikayaramba ngenhloso yokubancenga ukuthi bangakhokheli umvukela nxa uTsvangirai nxa esenqobe uMongameli Robert Mugabe kukhetho.
Iziphathamandla zebutho zihlezi vele zikubeka sobala ukuthi kabasoze basaluthe uTsvangirai lanxa angaze anqobe kuketho okugoqela bona o-Nyikayaramba lo Chedondo.
Ngesikhathi loludaba lulotshwa ebulenjini ababili laba babikwa bebe sebekhululiwe sebezamelela ukubizwa emthethwandaba.
Your browser doesn’t support HTML5
Udaba lukaMark Peter Nthambe lokubotshwa kwentatheli zeZim Ind