Amalunga alitshumi lanye awebandla leMthwakazi Republic Party abotshiwe koBulawayo ngoLwesihlanu ngemva kokutshengisela ewoteleni yeRainbow Hotel kulandela ukuqhatshwa kwabantu abazolungisa lindawo kunye lamankampani aphatheka kulo umsebenzi asuka phandle kwedolobho leli.
Amalunga ebandla leMRP abalisa uThembisani Mfulunashi Mpofu, Rodney Ncube, Sithe Nyoni, Marshal Sibanda, Ellinton Nkomo, Lucky Maphosa, Nkosinathi Ncube, Killion Masuku, Mthabisi Thomas, Mqondisi Sibanda loIphithule Malahleka batshengisele bethwele amagwaliba abaveza ukuthi kubi kakhulu okwenziwe yiwotela le.
Ngemva kwehola betshengisela, amapholisa ahlomileyo aweSupport Unit ahle abaphuthuma ababopha ayalabo eBulawayo Central Police Station, okulokhe kungakacaci ukuba calabani abalidalileyo.
OwayenguMayor wedolobho lakoBulawayo, uMnu Thaba Moyo, usolile isenzo seRainbow Hotel kanye lokubotshwa kwamalunga eMRP.
"Bengingazi ukuba iwotela isivaliwe njalo angiboni ukuba kuyinto enhle ukuba abantu balapha bavalelwe. Kuhle ukuba kukhulunywe kwazakale kuziphathamandla zewotela ukuba lokhu akuqondanga."
Umabhalane wenhlanganiso elwela ilungelo lika Mthwakazi eyeIbhetshu Likazulu, uMnu. Mbuso Fuzwayo, usole kakhulu ukubotshwa kwamalunga eMRP esithi ilungelo labo lokutshengisela elikusisekelo sombuso lephulwe nguhulumende.
Isakhamusi sakoBulawayo, uMnu. Bugboy Ndlovu, uthi ukubotshwa kwamalunga eMRP kumzwisa ubuhlungu.
Iziphathamandla zeRainbow Hotel azithandanga ukupha imibono yazo ngokutshengisela lokhu bethi intathelizindaba aziyebuza abe MRP.
Amalunga eMRP, athe loba angaze abotshwe azaqhubeka etshengisela esola ukuqhatshwa kwabantu bokuza endaweni ezitshiyeneyo.
Your browser doesn’t support HTML5
Bayakhala Ababalisi eZimbabwe