Kulabasekeli beMDC-T abayisikhombisa ababotshiweyo eHarare ngoMvulo betshengisela phezu kokusilela kwemisebenzi, kwathi abanye batshaywa kabuhlungu ngamapholisa.
Ukutshengisela lokhu bekuqoqwe lugatsha lwabasakhulayo kuleli bandla.
Amapholisa abikwa etshaye njalo abopha intatheli yeZimbabwe Mail uAngela Jimu yena obethapha izindaba ngokutshengisela lokhu, amthethela isigxingi sokuthatha imifanekiso kanye lomakhalekhukhwini wakhe.
Kodwa uAngela ukhululwe ntambama.
Abatsha beMDC-T batshengisele ngokufona ezitaladeni behlabela ingoba ezisola umbuso weZanu PF njalo besithi uMongameli Robert Mugabe kumele asungule imisebenzi eyathenjiswa uzulu libandla lakhe ngaphambilini kokhetho.
Abenelisanga ukukhuluma lamapholisa ngaloludaba. Kodwa isiphathamandla seMDC-T uMnu Abednico Bhebhe usole kakhulu amapholisa ngokuhlukuluza abasakhulayo bebandla lakhe.