AbeZimbabwe koBulawayo bahloniphe iqhawe umuyi uDokotela Joshua Mqabuko Nkomo ngokufola besuka emavinkilini akoMahomva eMpopoma besedlula eMinyela Sports Grounds laseJoshua Nkomo Revolutionary House, ePhelandaba bagqiba lokhu kufola, enkundleni yeWhite City lapho okube lomkhosi omkhulu wokunanza impilo kamuyi.
Umkhosi weskhumbuzo sikaDr Joshua Mqabuko Nkomo koBulawayo
Isikhumbuzo salonyaka senziwe phansi kwendikimba ethi ''l am because you are'' lapho uzulu kunye lemuli kamuyi abacele uhulumende ukuba ahloniphe umuyi ngokuthi ilanga lika mhla ka 1Ntulikazi libe likhefu likaJoshua Nkomo labalwa impi yenkululeko.
USibalukhulu wedolobho lakoBulawayo, uNkosikazi Judith Ncube ubuke umsebenzi kamuyi wathembisa ukuncedisa ukuba ahlonitshwe ngokwethulwa komthetho ozakwenzwa ilanga lanamhlanje libe likhefu.
"Ilanga lalamuhlalihle liqakatheke kakhulu lisikhumbuza imisebenzi kaMdala uNkomo sithanda ukubonga abaqoqi bomsebenzikuyasisiza kakhulu kusenza sikhumbule imisebenzi kamdala, njengoba abantwana becele ukuncediswa lathi sizabe sikhwezela, siyabe sifuqa mntanami. ''
Umkhosi weskhumbuzo sikaDr Joshua Mqabuko Nkomo koBulawayo
UMnu. Sibangilizwe Nkomo indodana kamuyi uthi sebeleminyaka edlula elitshumi becela kuhulumende ukuba leli langa lenziwe ikhefu.
“Kubuhlungu siyabe silokhe siliswa asisoke siyekele uBaba wasebenza kakhulu kulizwe leli nguFather Zimbabwe onjani onelalanga lakhe. Amazwe amanengi alelanga lalowo owaba yisiziba sokukhulula ilizwe abadala abakukhangele lokho ukuze sibelezibusiso.''
Indodakazi kamuyi, uNkosikazi Thandiwe Nkomo-Ibrahim uvumelane lomnewabo.
“Ilanga leli liyasithabisa iminyaka engu20 wasitshiya ingathi kuyizolo.Kodwa ilana lokumkhumbula liyakhula amalanga onke. Kukhona lodaba lwesithombe okumele siyefakwa eHarare lokhe singakafakwa kunye lodaba lwelanga njalo kuhle okunye sekwenziwa. UBaba wayeyinkokheli yelizwe hatshi eMaNdebeleni kuphela ngakho kumele ahlonitshwe ilizwe lonke kucace."
Umkhosi weskhumbuzo sikaDr Joshua Mqabuko Nkomo koBulawayo
Unobhala jikelele webandla leZAPU uMnu. Strike Mnkandla uthi kulusizi ukuba uhulumende lokhe edonsa inyawo ekuhlonipheni uFather Zimbabwe.
“Kuvele kuyamangalisa banengi abathi nguyise welizwe manje bayahlonipha bani, kuyadanisa lokhu ngoba abanye kuze kugidwe ukuthi wazalwa nini kwehlule ukihlonipha umuntu owembulela wonke amapolitician sizabe silokhe sikhuluma kunela ndlela yokumhlonipha."
Osakhulayo wakoBulawayo oweJoshua Nkomo Youth Movement ongomunye wabafole emkhosini walamuhla, uNicole Ngwenya uthi kubuhlungu ukungahlonitshwa kwelanga likaFather Zimbabwe.
“Ilanga likaJoshua Nkomo liqakathekile, uJoshua Nkomo wayenguFather Zimbabwe, asithabanga ngokungahlonitshwa kwakhe lokhe sisancena kuHulumende ukuthi u1st July abe lekhefu uMugabe osaphilayo angaba lekhefu njani kuthi umuntu owakhulula ilizwe angahlonisthwa."
Umkhosi weskhumbuzo sikaDr Joshua Mqabuko Nkomo koBulawayo
Ingcwethi yembali, uMnu Saul Gwakuba Ndlovu uthi ukungahlonitshwa kukaNkomo kwaba lulunya kowayengumongameli uRobert Mugabe.
“Kungabayinto enhle ukuhlonipha uJoshua Nkomo ngoba nguye owasungula ukuphathwa kwezikhali. Ukungahloniphi kwabayinto yomona nguMugabe kodwa esazi ukuthi owasungula linto wabizwa ukuzosebenza ngaphansi kukaNkomo, wenze ulunya njalo kalagama lokuvikela ukuhlonipha uNkomo."
Abohlangothi olubona ngabethekelela ilizwe abeZimbabwe Tourism Authority bemanyene labeJoshua Nkomo Legacy Restoration Project Trust yibo abahlele umcimbi wanahlamu obuthanise inkulungwane lenkulungwane zabantu.
UMqondisi weZimbabwe Tourism Authority, uNkosikazi Rita Likukuma ongene umcimbi wangoMvulo utshele uZulu ukuba bazaqhubeka behlonipha umuyi uJoshua Nkomo kuze kufane lokwenziwa eSouth Africa ngendlela okuhlonitshwa ngakhona umuyi uMnu. Nelson Ndebele.
Umuyi uJoshua Mqabuko Nyongolo Nkomo wakhothama ngelanga lakuqala likaNtulikazi ngomnyaka ka1999 ngemva kokwehlulwa ngumkhuhlane wemkuvukuzane.
Your browser doesn’t support HTML5
Udaba lokukhumbula umuyi uDr Joshua Nkomo siluphiwa nguAnnahstacia Ndlovu