Ezinye izisebenzi zikahulumende zith kazikatholi ingxenye yeholo eziyithola iyimali yohlobo lweZimbabwe Gold kumbe iZiG.
Zithi lokhu ngokwesibili bengatholi iholo labo ngemfanelo kulandela okwenzakala ngenyanga edluleyo.
Okwamanje kubikwa ukuba inengi labo kalitholanga ingxenye yeholo okumele beyithole iyiZimbabwe Gold. Inengi labo lithole imali yohlobo lwamadollar eMelika.
Kasenelisanga ukukhuluma leziphathamandla zikahulumende, ezigoqela uMnu. Mthuli Ncube loMnu. Nick Mangwana ngodaba lolu, ngoba bebengaphenduli omakhalekhukhwini. UMnu. George Guvamatanga, umabhalane omkhulu kuhlangothi lukahulumende olubona ngezimali, watshela inhlangathi zikahulumende zonke ukuba zingaqhubi inhlelo ezinengi ngoba uhulumende wehluleka ukubuthanisa imali yohlobo lweZimbabwe Gold.
Abakunhlanganiso yababalisi eyeZimbabwe Teachers Association bathi uhulumende wababikela ukuthi balakho ukuthola iholo kancane kancane ngenxa yokusilela kweZiG. Sixoxe ngodaba lolu loMnu. Never Nyaunzwi okunhlanganiso yababalisi eyeProgressive Teachers Union of Zimbabwe.
SEE ALSO:
Ingxoxo Esiyenze loMnu. Never Nyaunzwi