Umthethwandaba weConstitutional Court ngoLwesithathu unqume ukuthi isahluko 96 somthetho weCriminal Law (Codification and Reform) Act ebesisetshenziswa ikakhulu ngabezombusazwe ukuhlukuluza intathelizindaba, kasikho emthethweni.
Inhlanganiso elwela amalungelo entatheli, iMisa-Zimbabwe yiyo ebikhweze udaba lolu incedisana lentathelizindaba ezithi uNqaba Matshazi, uSidney Saize, uGodwin Mangudya loRoger Stringer.
Intathelizindaba lezi bezisithi icala leCriminal Defamamation kumele lesulwe ngoba lisephula isisekelo sombuso esitsha njalo lisetshenziswa mahlayana ukuzihlukuluza nxa zithe zaloba izinto ezingathakazelelwa ngababusayo.
Umthethwandaba lo wawuke wethula isinqumo esifanayo eminyakeni esanda kwedlula kodwa usebenzisa isisekelo sombuso sakudala.
Umqondisi weMisa-Zimbabwe uMnu Nhlanhla Ngwenya uthi bayathokoza ngesinqumo esitsha lesi.
Kodwa uthi bazaqhubeka bekhankasela ukwesulwa kweminye imithetho ehlukuluza intatheli efana lePosa leAippa.
Your browser doesn’t support HTML5
Umthetho weDefamation Act ubikwa ungekho kusisekelo sombuso