Kulamalunga ebandla leCitizens Coalition for Change (CCC) asehlale phose inyanga ezintathu evalelwe e-remand prison kulandela ukubotshwa kwabo esemhlanganweni eHarare wokuthakazelela usuku lwe-Day of the African Child.
Amalunga la agoqela uMnu. Jameson Timba umkhokheli welinye icele leCCC labanye bakhe abedlula amatshumi ayisithupha.
Kusenjalo, amagqwetha lentathelizindaba bathi bakhahlanyezwa ngabacatshangelwa ukuba badlelana lohulumende kaMongameli Emmerson Mnangagwa ngesikhathi besemithethwandaba.
Ukuze sihlaziye udaba lolu, sixoxe loMnu. Kuda Munsaka okunhlanganiso edlelana lebandla leZanu PF eyeForever Associates Zimbabwe loMnu. Fortune Mlalazi, olandela ezombusazwe.
UMunsaka uthi kuqondile ukubotshwa kwabantu laba kodwa uMlalazi uyakuphikisa esithi ibandla elibusayo kusobala ukuba lesaba abantu beZimbabwe abalokhu bekhonona ngokhetho olwaqhutshwa nyakenye.
UMunsaka uthi kubotshwa abantu bonke eZimbabwe abadala amacala hatshi amalunga amabandla aphikisayo.
UMlalazi uphinde wathi kumele bonke ababotshiweyo bekhululwe ngoba kabalamacala.
SEE ALSO:
Ingxoxo Esiyenze loMnu. Kuda Munsaka loMnu. Fortune Mlalazi