Amagqwetha la athi akula bufakazi obukhomba ukuthi uMaguwu wephula umthetho
Amagqwetha amela umqondisi we Centre for Research and Development yase Mutare uMnumzana Farai Maguwu ayaphikisa isicelo sabatshutshisi sokuba afakwe ku remand bethi akula lutho olukhomba ukuba angabe edale icala.
Kunjalo nje, imbiko yesikhonzi senhlanganiso ye Kimberly Process, uMnu. Abbey Chikane, yokuthi uMnu. Farai Maguwu wazibophisa ngokumupha amaphepha ayewathole ngokungekho emthethweni sekudale imbuzo kwabanengi.
Limbuzo iza ngemva kokuba uChikane elandule imbiko ethi kulokuncindezelwa kwabantu bako chiadzwa. Ingcwethi ecubungula ezombusazwe njalo engumgcinisihlalo wabatsha kunhlanganiso ye NCA, uMnu. Alois Dzvairo utshele uChris Gande weStudio 7 ukuthi sekukhanya kungani kulezombusazwe kudaba lwako Chiadzwa.