Lanxa elilunga ledale lephalamende elikhweza indaba ezimqoka edale, abasakhulayo bebandla leMDC elikhokhelwa nguMnu. Welshman Ncube bathi kasuswe ukuba lilunga uNkosiakzi Prscilla Misihairambwi Mushonga.
Abasakhulayo laba bethesa uMisihairambwi Mushonga amacala ambalwa agoqela ukungameli izifiso zesigaba seMatabaleleland South lapho akhethwa khona phansi komthetho we proportional representation, hatshi ngamavoti kazulu, ukuhuga amalunga ebandla esiya kumabandla afana lele People’s Democratic Party lamanye amacala ambalwa.
Kusukela ngomnyaka ophelileyo lelibandla lilahlekelwe ngamalunga amanengi ayiziphathamandla etshiya lelibandla ngezizatho ezehlukeneyo.
Umgcinisihlalo wogatsha lwabasakhulayo, uMnu. Gideon Mandaza utshele intathelizindaba ngemva komhlangano wabo owenzwe ngempelasonto eHarare ukuthi kumele u Misihairambwi Mushonga axotshwe kulelibandla. Kodwa yena uMisihairambwi Mushonga declined to comment walile ukukhuluma ngaloludaba.
Umgcinisihlalo wesigaba seMatabeleland South, uMnu. Pilate Ndebele utshele iStudio Seven ukuthi bona njengesigaba bebengakakhulumi ngodaba luka Misihairambwi Mushonga njalo bamangaliswa yikuthi loludaba seluvela kwezinye indawo ezingaso ndlela ezisetshenziswa libandla.
Your browser doesn’t support HTML5
ingxoxo loMnu. Pilate Ndebele