Ibandla leMDC lithi ikusasa yenengi labantu elizweni izaqhubeka ilukhuni ngenxa yokuthi uhulumende uyehluleka ukulungisa umnotho welizwe kanye lokuletha inthuthuko kwezemfundo, ezempilakahle, ezokulima, kanye lokuholisa izisebenzi zakhe iholo elithe xaxa.
Umsekeli wesikhulumeli salelibandla uMnu. Felix Magalela Mafa uthi lokhu kuvele sobala ngesikhathi umphathintambo obona ngenhlelo zemali uMnu. Mthuli Ncube esethula uluhlu lokusetshenziswa kwemali olwaphakathi kwawonalo umnyaka olubonisa ukuthi akulamacebo okukhupha abantu kusimo sokuba mpofu.
UMnu. Mafa uqala ngokuchasisa ngenhlelo zokhetho elizweni, zona athi akucacanga ngemali ezasetshenziswa ukuthi ziqhutshwe ngemfanelo.
Your browser doesn’t support HTML5
Ingxoxo loMnu. Felix Magalela Mafa
Siphinde saxoxa loMnu. Joseph Tshuma Ilunga lebandla leZANU PF njalo engusomabhizimusi, yena othi intuthuko kwezomnotho iyabonakala lanxa ingahambi ngesiqubu esikhangelelwe ngabanengi.
Your browser doesn’t support HTML5
Ingxoxo loMnu. Joseph Tshuma