Izakhamizi zeNkayi zithi kusobala ukuthi uhulumende kazimiselanga ukuphutshisa uhlelo osolulesikhathi eside lwasungulwayo, olokulungisa umgwaqo osuka eNkayi usiya koBulawayo lezinye indawo, lanxa esithi uzalugqiba.
Umphathintambo kahulumende obona ngezemali uMnu. Mthuli Ncube usanda ukutshela iphephandaba leThe Chronicle ukuthi ukwakhiwa komgwaqo lo, kuyingxenye yezinye zenhlelo ezimqoka uhulumende aziqhuba esigabeni seMatabeleland North.
UMnu. Mthuli Ncube uvumile ukuthi ngempela uhlelo lolu, olwasungulwa ngomnyaka ka 1993 kwakufanele lugqitshwe ngo 1999 njalo uyazwisisa ukukhonona kwezakhamizi.
Uthi lanxa uhulumende kamongameli Mnangagwa ezama ukuluphutshisa, impahla zokusebenzisa zike zasilela.
Ukuze sizwe okunengi ngaloludaba, sixoxe loMnu. Abednico Bhebhe, isakhamuzi senkayi, owayemela iNkayi South edale lephalamende, njalo ongomunye wabakhankasela ukugqitshwa kwaloluhlelo.
Your browser doesn’t support HTML5
Ingxoxo loMnu. Abednico Bhebhe