Ikhomishini ebona ngezokhetho, iZimbabwe Electoral Commission, isinxuse abamabandla aphikisayo ukuthi bazezibonela ngawabo ukudindwa kwamaphepha okuvotela ngoLwesihlanu enkampanini kahulumende eye Fidelity Printers eHarare.
Lokhu ngokunye okwathiwa ngabamabandla aphikisayo kumele kwenziwe ngoba kulokucabangela ukuthi iphepha elasetshenziswa kukhetho olwedluleyo lalilobumenemene obenza impumela ingemukeleki.
Kunengi okwathiwa ngamabandla aphikisayo kumele kwenziwe phambilini kokhetho andubana ancintise kukhetho.
Kambe kusasekunengi na okumele kulungisiswe ukuze amabandla aphikisayo angene kukhetho?
Ukuhlaziya loludaba sixoxe lesiphathamandla sebandla le Zanu PF, uMnu. David Ndlovu, endawonye lesiphathamandla somanyano wePeople’s Rainbow Coalition, uMnu. Sengezo Tshabangu.
“Abadala babethi egavileyo inathile. Nxa sokunjalo, upresident esefakile ukhetho, wafaka idate …. Nxa uhlatshwa ukhala lawe ugijima ukhipha ameva akuhlabileyo,” kutsho uTshabangu.
Uthi akumelanga umuntu akhalale athi kasagijimi ngoba ehlatshwe ngameva.
UNdlovu yena uthi: “Uyabona, awungeke wapasisa umthetho ngapha ukhonona. Into eyenzakala elizweni isemthethweni, akulalutho olungekho emthethweni.”
Your browser doesn’t support HTML5
Udaba Silethulelwa Ngu Chris Gande