Indodana kamuyi uJoshua Mqabuko Nyongolo Nkomo ithi okwenzakala eZimbabwe kayisikho okwalwelwa nguyise labanye abalwa impi yenkululeko.
UMnu. Sibangilizwe Nkomo wethule amazwi la ngesikhathi uzulu ekhumbula okwenziwa nguNkomo owayesaziwa ngokuthi ngumdalawethu, uChibwechitedza lamanye amagama ayencoma imisebenzi yakhe emihle.
UNkomo wabhubha mhlaka 1 Ntulikazi 1999 esengumsekeli kamongameli welizwe leZimbabwe.
Indodana yakhe ithi ilizwe leZimbabwe lalingeke libhekane lokugugudeka komnotho okunje ngabe inkokheli yelizwe yalandela okwakufiswa nguNkomo elwela ilizwe njalo ilizwe selithole uzibuse.
Your browser doesn’t support HTML5
Ingxoxo Esiyenze LoMnu. Sibangilizwe Nkomo
UMnu. Simon Khaya Moyo webandla leZanu PF uthi kuqakathekile ukuthi ilizwe leZimbabwe linanze usuku lokubhubha kukaNkomo. Lokhu kusekelwa nguMnu. Joseph Tshuma, owayemela iPelandaba-Mpopoma edale lephalamende ekubandla leZanu PF.
Your browser doesn’t support HTML5
Ingxoxo Esiyenze LoMnu. Joseph Tshuma
UNkomo wayekhokhela ibandla leZapu ngesikhathi owayengumongali uMnu. Robert Mugabe efaka ibutho leGukurahundi eMatabeleland leNkabazwe esithi uNkomo wayefuna ukumsusa embusweni ngenkani.