Inhlanganiso yezisebenzi eyeZimbabwe Congress of Trade Unions (zctu) ithi isekela ababalisi abafuna ukukhalala umsebenzi bekhonona ngeholo eliphansi.
UMnu. Japhet Moyo, unobhala jikelele weZCTU, uthi amalunga enhlanganiso yeAmalgamated Rural Teachers Union of Zimbabwe alelungelo lokutshengisela emigwaqweni kusukela ngoMvulo uhulumende aze akhuphule iholo lezisebenzi.
Ababalisi bathi sebethola munye ngamunye amakhulu amane amadola 400 Zimbabwe dollars ngenyanga selokhu uhulumende wavimba ukusetshenziswa kwemali yakwamanye amazwe kwele Zimbabwe.
Izisebenzi zikahulumende, ezinikwe amakhulu amane amadola ngeviki ephelileyo ebizwa ngokuthi yi-cushioning allowance, zithi imali le kayisoze incede ngoba sibi kakhulu isimo somnotho elizweni.
Zithi kumele zihole inkulungwane ezine zamadola – 4,000 Zimbabwe dollars ngenyanga.
UMoyo uthi kumele izisebenzi ziphathwe ngemfanelo.
Uhulumende uthi uyazama ngamandla wonke ukuholisa izisebenzi.
Your browser doesn’t support HTML5
Ingxoxo Esiyenze LoMnu. Japhet Moyo