WASHINGTON DC —
Izulu liqhubeka lisina endaweni ezitshiyeneyo zelizwe, okwenza inengi libelethemba lokuthi lizathola isivuno esithe xaxa lonyaka.
Ilizwe ibhekane lendlala embi kakhulu njalo uhulumende uthi phakathi kwamathani okudla ayizigidi ezimbili adingakalayo ngomnyaka, iziphala zeGMB zilamathani omumbu azinkulungwane ezingamakhulu angamatshumi amathathu kuphela, 300,000 metric tonnes.
Abanengi bathi lingaqhubeka lisina ngemfanelo izulu, balakho ukuthola isivuno esinganeno kulanyakenye kuvikwe ingozi yendlala ekhanya isiza.
Ihlanganiso ezizimeleyo zithi abantu abedlula izigidi ezimbili, 2, 2 million eZimbabwe bazadinga ukuphathiswa ngokudla kuze kuyefika isivuno salonyaka ngenyanga kamabasa.
Isakhamuzi seJutjume ePlumtree uMnu Difa Dube uthi bayathokoza kakhulu ngezulu elinayo, kodwa uthi bakhona asebeqalisile ukulamba okumele bancediswe ngokudla.
Esigabeni seLupane lanxa izulu lisina ngemfanelo njengakwezinye indawo, owake wamela lesisigaba edale lephalamende uMnu Njabuliso Mguni uthi umumo mubi, njalo inengi liyalamba.
Sixhume njalo umeli weMberengwa West edale lephalamende uMnu Joram Gumbo sambuza ukuthi unjani umumo endaweni yakhe.
Ilizwe ibhekane lendlala embi kakhulu njalo uhulumende uthi phakathi kwamathani okudla ayizigidi ezimbili adingakalayo ngomnyaka, iziphala zeGMB zilamathani omumbu azinkulungwane ezingamakhulu angamatshumi amathathu kuphela, 300,000 metric tonnes.
Abanengi bathi lingaqhubeka lisina ngemfanelo izulu, balakho ukuthola isivuno esinganeno kulanyakenye kuvikwe ingozi yendlala ekhanya isiza.
Ihlanganiso ezizimeleyo zithi abantu abedlula izigidi ezimbili, 2, 2 million eZimbabwe bazadinga ukuphathiswa ngokudla kuze kuyefika isivuno salonyaka ngenyanga kamabasa.
Isakhamuzi seJutjume ePlumtree uMnu Difa Dube uthi bayathokoza kakhulu ngezulu elinayo, kodwa uthi bakhona asebeqalisile ukulamba okumele bancediswe ngokudla.
Esigabeni seLupane lanxa izulu lisina ngemfanelo njengakwezinye indawo, owake wamela lesisigaba edale lephalamende uMnu Njabuliso Mguni uthi umumo mubi, njalo inengi liyalamba.
Sixhume njalo umeli weMberengwa West edale lephalamende uMnu Joram Gumbo sambuza ukuthi unjani umumo endaweni yakhe.