Inani lezizalwane zeZimbabwe ezichapha umngcele zisiya phephela emazweni angomakhelwane ngenxa yokubhidlika komnotho welizwe okubangelwa yikungatholakali kwemisebenzi likhangelelwe ukuqansa ngemva kokhetho olusanda ukwedlula.
Inengi lalaba abantu lithi alilathemba elokuthi ibandla leZANU PF lingavuselela umnotho welizwe njalo lalisithi mhlawumbe kungabalenguquko ilizwe lingakhokhelwa ngelinye ibandla.
Abanengi batholakale befaka izifiso zabo ebulenjini bokuxhumana obufana labo twitter kunye labo facebook ezokusuka elizweni zisiyaphandela imuli emazweni afana le South Africa le Botswana.
UMnu. Dennis Juru umkhokheli wenhlanganiso yabaphila ngokuthenga impahla emazweni besiyathengisa ekhaya, eye International Cross Borders' Association, uthi sikhuluma nje emngceleni we Zimbabwe le South Africa sokuyisiphithiphithi.
Your browser doesn’t support HTML5
Ingxoxo loMnu. Dennis Juru