Izizalwane zeZimbabwe ezihlala edolobheni le Durban kwele South Africa zibikwa zibaleke emizini yazo zayaphephela enkambezni zamapholisa kulandela ukuhlaselwa okwenzwe abokuza kulelidolobho ngempelasonoto.
Lokhu kulandela imbiko yenkosi uMnu. Goodwill Zwelithini yokuthi bonke abokuza kumele basuke kwele South Africa. Lanxa ephinde wayiphika limbiko indodana kaMongameli Jacob Zuma, uEdward, laye ugcizelele limbiko esithi abokuza abasebenza ukulinda bayemukela imali encinyane okucunula izizalwane zakwele South Africa.
Kodwa isikhulumeli sikaMongameli Zuma, uMnu. Mac Maharaj uthembise abokuza ukuthi bengakhathazwa yimbiko le ngoba ilizwe le South Africa liyemukela bonke abantu nxa belamaphepha okuhlala lokusebenza okusemthethweni.
Kodwa izizalwane ze Zimbabwe kunye lezivela kwamanye amazwe ezihlala emadlobheni abalisa ele Johannesburg zibikwa zidlela evalweni. Umgcinisihlalo wenhlanganiso ye Zimbabwe Community in South Africa, uMnu. Nqabutho Nicholas Mabhena utshele iStudio Seven ukuthi kulembiko ethi izizalwane zakwamanye amazwe zizahlaselwa lasiphi isikhathi.
Your browser doesn’t support HTML5
Ingxoxo loMnu. Nqabutho Nicholas Mabhena