Izizalwane zeZimbabwe kwele South Africa zithi yizo ezihlukunyezwe kakhulu yikukhalala umsebenzi kwezisebenzi zikahulumende elizweni lonke osekwenze ukuthi phose zonke izibhedlela lezikolo zikahulumende zivalwe.
Izisebenzi zikahulumende ezedlula isigidi sezileviki zitshengisela ezitaladeni zifuna uhulumende azengezelele iholo. Lokhu sekubangele ukuthi kuvalwe ingqwaba yezikolo kanye lezibhedlela njengoba odokotela labongi sebebeke amajekiseni phansi ababalisi labo baqamula amatshoko.
Zonake izisebenzi zifuna ukwengezelelwa iholo ngesilinganiso sokwedlula isitshiyagalombili ekhulwini-8.6% kanye R1000 eyemali yezindlu. Uhulumende yena uthi angazengezelela iholo ngesilinganiso sokuyisikhombisa lengxenye ekhulwini-7.5% kanye lemali yezindlu engange R700.